شحالكم يالطيبين؟!؟ عساكم بخير؟!؟
ابغي اعرف رايكم ف هالموضوع
ماطول عليكم بالكلام يوم الثلاثاء وصلتنا بطاقه مثل بطاقه الزواج
بس هذي بطاقه عيد ميلاد ومزخرفه بصور اطفال
ومكتوب فيها فعاليات الحفليه وكل شي
المهم جا يوم الحفله الخميس اللي طاف واصحاب الحفله جيرانا
ولاعمرنا زرناهم ف اقول لامي يمكن بس العاب للاطفال
وصادف بذاك اليوم عيال خالي كانوا عندنا ولزمت امي الإ اخذهم للحفل
عسب يلعبون ويستانسوون
ف انصدمت ان الكل كاشخ ف الحفله جنه عرس جلست واليهال يلعبون
وشوي الإ تبدأ فقره المهرجين وكلها اغاني فلبينيه ومهرجين يتحركون ع المسرح
فقره تافهه وسخيفه
وبعدا فقره اساله للاطفال والكبارمع هدايا والاسئله تاافهه جدا
وبعدا فقره رقص فلبيني واتفه من التافهه والله
وبعدا العشى واخيرا فقره الساحر
ام الطفله كانت باين عليها معصبه سألتها بلااج ام فلانه؟!؟
قالت: قاهريني الشركة اللي تعاملت معاها خذوا 60 الف درهم ع الفاضي
فقراتهم كلها سخيفه والميكرفون شغال ويخترب مافي فايده
ولا والمصيبه الحفله كانت للرجال خيمه بروحهم برع
ومادرنا نرقد لين مااذن الفجر والسبب الاغاني والازعاج اللي كانوا مسوينه
بذمتكم حفله عيد ميلاد تستاهل كل هذا؟!؟
ومن الاساس ليش يسوون حفله عيد ميلاد ورقص وغنى؟!؟
دريولنا يقول لامي : ماما هذا حرااام يقولها نحن يوم نفرح نوزع لحم ع الفقراء ونفرح كلنا
وهذا وهم فقراءيسون جيه
ناس ادور الفلوس وناس ترفس النعمه
والسموحه ع الاطاله
بس بجد هالعاده تقهرني
60 الف درهم انفقت ع ....
العرض الشجري
