مولد أحلامك على برج الدلو *** وأكثر آمالك على جزل الضنون
كل ماتهطل من انفاسك آلو *** أشعر اني في روابي ميسلون
ياوليفي والقصايد لا أهطلو *** يايجون ابداع والا لايجون
وأنت تعرفنى أذا أفكاري سلو *** كل حرفن ينقلب خنّة دخون
وأنت تدري واثق بحبي ولو *** بس ودي ألهم الحب الفنون
نبعها حدب الضلوع اللي نحلو *** هكذا نبع المشاعر أو بدون
جاوب العذال لامن اسألو *** وش كتب لك قلهم وبل ومزون
وبل لاكن مختلف وزن وعلو *** غيمته تمطر على حد الجنون
يالوفاء وافيك ينظر ماأعملو *** ومااختلف نهجه ولاهم يحزنون
كل مالعذال قالو مافعلو ***ابتسم خل المعاتب للعيون
حكمتى ان الخلايق ما كملو *** ومبدئي دايم أكون اولا أكون
وانت يااغلى الصحاب الى نهلو *** من وريد العشق تشرب لاتخون
وعلّم أصوات المهايط لاعلو *** لا أبتدا بوح أختلافي يركدون
وان ملو هالكون زيف فلا ملو *** عينى بكلمه ماغير يهايطون
ان بغو أبداع ضاقو وقفلو *** وان نوو جبر المعاني يكسرون
لا ( نزار ) ولا ( جويس ) ولا ( انجلو )***لو قرو مافيك راحو معجبون
أرتقي بك حرف شامخ لا انزلو *** عن متاهة حرف يدعي للمجون
أختصارا يالغلا لو بلبلو *** ماتحرك شي مني يعجزون
بس قلي أنت خرسك لاثملو *** سلهمه وشلون ابادلها الطعون
يابعد كل القرون اللي خلو *** ليتنى أعيش في حبك قرون
نسّني ناسن عن الوافي جلو *** ياحسايف كلمتى متى تجون
واقفن يومي دهر يوم ارحلو *** انسهم كرمال عينك ياحنون
صاحبي ياصاحبي كلك حلو *** وانت واحد بس ماغيرك يمون
وانت لامن قلت يا(محمد ) آلو *** تنقلب حائل روابي ميسلون
............................
ميسلون / محافظه سورية
جويس منصور شاعره امركيه من أصول لبنانيه على شاكلة نزار
أنجـــــلو /توماس كالفييري أنجلو أشهر شاعر غزل أيطالي
دمتم برعاية الله
أخيكم محمد السبيعي
العرض الشجري
