آه يآسمِّي وموتي وبري حآلي

اه ياقلبي ويانشوة هيامه

هو بقى فيها حياء والا ملامه

ان وصفته ماابالغ في كلامي
اول انسان/ن يذوبني سلامه

ويل قلبي لانطق تسما حروفه
كيف اجل لوهوتعمق في كلامه

نعنبوه ان جابيلقي له قصيده
من صخب فكره يجي للشعرهامه

كل بيت/ن في قصيده يالخلايق
يفرض بقلبي هيامه واحترامه

اه ياسمِّي وموتي وبري حالي
لاسكت ياهالملا مدري علامه

ادري ان له في حياته معجبات
وانآ اول معجبه شعر ووسامه

اااااه ياطب الصويب وياعلاجه
ااااااه ياحيي ويا بابه ومامه

ايييه هين لو نسيته او تركته
هاويه لاوابتليتي في غرامه

ليتني عقاله ومسباااح/ ن بيده
وليتني حتى اصير اله البجامه

ليتني نظَّارته والا الزقاره
ياكبر حظ الزقاره في ابتسامه

ليتني مثل القلم في يد خلِّي
احتضن سبابته واحضن بهامه

كن قلبه عش وأشعاره سحابه
وكلبوني ارض وقليبي حمامه

اعشقه واللي خلق يامسلميني
اعشقه وضح النقا ماهي ندامه

كل شي/ن فيه يعجبني واحبه
اعشقه كله ويعجبني نظامه

كان حبه ذنب ياكثر الخطايا
لويبين لي حلاله من حرامه

ان فهمني غيرمايقصدخفوقي
ااه ياضيم الخفوق وياانقسامه

وان سقاني بُعد والاحب غيري
والله انه خصمي بيوم القيامه


يا يبادلني الغلا والا اسبه
لين اعزر فيه وانغّص منامه

مانويت اسكت وربي اللي خلقني
لين ابعثر خلوته واجرح صيامه

ايه اجل يسرقني ابعز النهار
ماحترى هالليل يستره بظلامه

والله ليبطي وهوغالي واحبه
والله ليبطي ولاحدن جامقامه

والله ليبطي وانا احبه واحبه
لين تدفن جثتي وتفنى عظامه

للشآعرة / آلجوهرة آلعتيبي