،،،
عديت في مرقب والليل ممسيني
بديار غرب لعل السيل ماجاها
اضحك مع اللي ضحك والهم طاويني
طية شنون العرب لا سربوا ماها
وراك ما تزعجين الدمع ياعيني
على هنوف جديد اللبس يزهاها
هبت هبوب الشمال وبردها شيني
ما تدفي النار لو حنا شعلناها
مايدفي الا حظن مريوشة العيني
والى عطشنا شربنا من ثناياها
ابو عيون الى سلهم تناجيني
ياقرد عين المشقا كيف يقواها
ياشبه وضحى فتاة دلها زيني
داجت على عقلة والورد ماجاها
ياعل من شار بالفرقى عمى العيني
مخباط صمعا جليل الفخذ يشظاها
جعله حسير كسير وراكبه ديني
واتلى حلاله ذلول راح يطلاها
،،،،،
والقصيده اختلف فيها الرواة احد قال انها لشاعر بن عجاج الغنامي
واخرون قالو انها لعبدالهادي ابن ثعلى العضياني والارجح انها لعبد الهادي
ما تدفي النار لو حنا شعلناها
مايدفي الا حظن مريوشة العيني
والى عطشنا شربنا من ثناياها
ابو عيون الى سلهم تناجيني
روووووعه مشاعر تسلمين الله يعافيك
دمتي في حفظ الرحمن
شكرياتي لك مشاعر انسانه
انا اعتقد انها لعبدالهادي ابن ثعلى
حسب ماسمعت
اخترتي وابداعتي بالاختيار
[BIMG]http://www.saaup.com//uploads/images/saa3at_c7286d8070.gif[/BIMG]