:::: داانه عشقها قلوب ::::

السلام عليكم ورحمة الله وبركاته

الزمن هذا يطوول التأمل فيه بين التفكر والتدبر
بحاااله وحااال البشر المتقلب ...

فتقبلوا هذه المتوااااااضعه ...
آتمنى تنال آستحسانكم ..
، ،

[poem=font=",6,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا تامن الدنيا لو الحزن لك نوب=عقب الصفا ! تقفي.. وتجر آذيالها
من كثر ما شفنا بها الحق مقلوب=أخفت ورى وجيه البشر غربالها
آكثرهم اللي يروي العلم مكذوب=والصدق كلمه قلْ من هو آصغالها
اللي ينافق يستند عزها صوب=والبعض مقـْياسه بروس آموالها
الراي تاه وراعي الحق مغلوب=ويديه دون الحق قصيره حبالها
يا تخون ولا صرت كلك بها عيوب=داام الشرف سلعه بسوق آنذالها
خبث النوايا اشعـبت قوم وشعوب=وراعي الوفا مسكين عند آحثالها
ما نعرف الوجْهه عناوين ودروب=وإن ما شكينا الجور شفنا اهوالها
منها دموع العين سالت على جيوب=هنـْيت من هو شد عنها رحالها
ياحمود قلبي من عنا الوقت مصيوب=والهم فوق الصدر ثقل جبالها
الحظ من خام الشقا فصل الثوب=كل مااقبلت عـني يـرد آقبالها
والحزن لآ اقبل يافتى الجود مندوب=يهدي غياهبها قبل زلزاالها
وين آنت ياللي لسلـّم الطيب منسوب=الوضع ما يناااسب جميع احواالها
إن عشت ماآرخصت المبادي وماجوب=سلم المكارم دقها وآجلالها
وآيقنت من كثر التجارب والـكروب=من يعـتبر ؟ يكسب حلول اِشكالها
والموعظه بكثر الخطايا والآذنوب=تكـفير ذنـب ! وللخطايا آنكالها
حر/ن عنا لدرب الهدى وراح منجوب=بعد المسافه ما حسب لآميالها
آبحر بي الهاجس ورى كل محجوب=في غبة المعنى وبحور آجزالها
وبدعت دانه هامت بعشقها قلوب=لا ضقت سـّلى خاطري موالها
[/poem]

و

سلامة نواظركم

،

،