الانتظار أصعب من الموت يافلان ياكثر ماهليت دمع انتظارك
تراي مخلوق من الطين وانسان واحتاج ترويني واجوع لثمارك
في غيبتك هلت سحابٍ من احزان وفي الجوف أصالي يا لغضي حر نارك
ترى ماعاد اقوى وبالصدر بركان أخاف ينشط ثم يكثر دمارك
وتجني على باقي ملامح غلا بان واخاف يذبل هالجسد من حصارك
وتصير دنيايه سجن وانت سجان وعلى الفكر تعلن بفخر انتصارك
وتشعل شموع افراحك أبغال الاثمان وتنسى مع النشوه بلحظه مدارك
تاخذك عزة بالاثم كيف ماكان و تكون قاسي يالغلا في قرارك
كل الأماكن موحشة وانت غلطان يومٍ تشك انه بينقص وقارك غلاك
مهما صار وفي كل الاحيان يسري بشرياني بليل ونهارك
وفي كل لحظه ينبت الوجد باغصان قلب مولع فيك كان اختيارك
عجل فديتك واطرب القلب بالحان صوتك ونبرات الفرح وسط دارك
واصير بين ايديك والقلب فرحان واطيع كل امرك ولا اخلفه شارك
نمر العتيبي
العرض الشجري
