نـزعـت صمت السنين....!

نزعت صمت السنين وقلت للياس
............. رح علم الورد عن موعد جفافه
الصبح حلم الظلام وعطر الانفاس
..................... والبرد عيا يغطيني لحافه
لي قلب جوفه ذهب . واطرافه انحاس
........ما كنت خايف عليه .. وصرت اخافه
له بـ المشاريف حلم وصدر مجلاس
............وله نضرتن مخلف النيه .. تعافه
ياخذ على وادي النسيان .. مرواس
............... ويرجع على ذكرياته واعترافه
عاد انت ياصاحبي لو عندك أحساس
...........حسيت في نبض قلبي .. وارتجافه
ماهو على شان ولا انه على ساس
.............. بعض الاحاسيس مافيها كلافه !
الليل .. لجلك سهر . وعيونك نعاس
........... يرسم ملامحك في صفحة غلافه !
ان ماترك في طريق القلب نبراس
.......... اضاف .. في باقة اشواقه اضافه
ياكثر ما يبتدي ودق الاجراس
................. ليلٍ عطاني طواريقه وقافه
سافر بي احساس وارجعني بهوجاس
............ ونزل على واقع الحب بصلافه !
دبكه ب ساحة خفوقي دبك الافراس
............ سكيتنه توجع .. القلب ب لطافه
أنا فقدت .. الكثير وقلت : لاباس
....... كم ذقت .. عقب الفرح ، طعم الحسافه
القرب ماكان .. له قيمه ومقياس
................ والبعد ماكان من طول المسافه