هذه مرثيه في خالي العزيــز/مسير العوام بن طواله(ابو مشاري)
نسئل الله له الرحمه والغفران ولجميع موتانا وموتى المسلمين
اتركم مع القصيده ..
[poem=font="simplified arabic,7,white,bold,normal" bkcolor="transparent" bkimage="backgrounds/28.gif" border="solid,6,orange" type=1 line=0 align=center use=ex num="0,black""]
ياهاجسي عبــَر عن اللي ببالي=لو كان بالي ماش حاجه تسليه
اما على المسحوب والا الهلالي=والا على ايــَا بحر ثاني توديه
والشعر اذا ما يرثي اغلا خوالي=تبت بحور الشعر// تبت قوافيه
وياشيب قلبي شيب مما جرالي=والوقت محد(ن) سالمٍٍ من بلاويه
وياعيني اللي خمس واربع ليالي=والسهر دربٍ لامسوا الناس تسريه
عشت الحزن في وحدتي وانعزالي=والدمع عن كل المخاليق اخفيه
لا والله الا دمع الاحزان سالي=وانا الحزين اللي كثيره طواريه
وابكي فراق اللي من الناس غالي=وغيري كثير اللي بكا فقد غاليه
واليوم انا اللي ضاع شي وغدالي=يومه يعزيني مشاري وعزيه
اغضي وكن القلب يصلاه صالي=واقول في صوتٍ عليه المشاريه
ياوسعها فرجة كريم السبالي=وسهيل نجم وغاب واقفت لياليه
مرحوم يالعوام واف الخصالي=(مسَيـر) واسم جده والافعال تزهيه
والطيب قسمه من قديمٍ وتالي=راع المبادىْ ما يغير مباديه
وفي طيبة الاخلاق كان المثالي=دمث الجناب ولايمله مخاويه
لاقيل(ابو مَشــاري) وجاله مجالي=اسمع كلام الناس وش قولهم فيه
يثني عليه الاجنبي والموالي=وقبلي رثوه الناس قدام لا ارثيه
الله واكبر يا هذاك الطوالي=بين العرب كلن يحبه ويغليه
واكبر دليل يشاف.. واقرب مثالي=بجنازته صف الاوادم حواليه
الله يامكثر جموع الرجالي=هذاك يدعي له// وهذاك يبكيه
وانا اطلب الرحمن منشي الخيالي= الواحد اللي يملك الامر بيديه
يالله ماغيرك على الناس والي=ولا غيرك احد(ن) ساعة الضيق ندعيه
يالواحد اللي بالسموات عالي=والناس تحت امره تخافه وترجيه
يالله تـنَـور قبر سمح القبالي=وفي رحمتك من وابل الغيث تسقيه
ياغافر الزله مجيب السؤالي=اغفر له الزلات واقبل حسانيه
منك العفو يامن عليه اتكالي=يالله في عفوك من النار تنجيه
واسكنه بالجنه يارب الجلالي=في منزلٍٍ عندك يسره ويرضيه
وافرج لي الضيقات والطف بحالي=حالي// وحال اللي فقد شخص يعنيه
وختامها صلوا ماهب الشمالي=على رسولٍٍ كلنا نقتدي فيه[/poem][/center][/center][/center][/center][/center][/center][/center][/center][/center][/center][/center][/cente
اقتباس
المشاركة الأصلية كتبت بواسطة نافع بن طواله
طالعتنا جريدة الراي في عددها لهذا اليوم بقصيدة للشاعر ميزر بن زياد بن طواله
العرض الشجري
