نسأل عليكم وعنكم وين ماكنتوا=لوكان حنا بخير وما لنا حاجه
نِصْبِح على ذِكْرِكُم ونقول لاهنتوا=بالطاري الزين لو بحلوقنا زاجه
واذا حضرنا بمجلس فيه مابنتوا=اللي تعرّض لكم ناصف له علاجه
واللي خلقنا وبه ياحبابنا امنتوا=مانقطع الوصل في بثه ولا ابراجه
وان زانت ايامكم قلنا لكم زنتوا=بعيوننا والحسود يدل مخراجه
وان شانت احوالكم والله فلا شنتوا=بافعالنا ننحر الهقوه لمحتاجه
كم واحدٍ بالشهر هذاك كفنتوا=وكم واحدٍ بالشهر هذا طفى سراجه