ذل قلبك
*******
اشكي للي يسمع الشكوا ويجيب=وان شكيت لغيره الشكوا مذله
يسمع المشكا ومشكاتك تخيب=شبه الاعمى بالفلا دربه يدله
صار وحده لا صديق ولا حبيب=والشباب اقفا ويتنموس بظله
خلد الذكرى إلى ذاك الحبيب=والقطف ازهار من زنبق وفله
يحسب الأوراق صابت أو تخيب=والظبي ينصا الفلا بربوع خله
خمسه جابت سادسٍ قرب تجيب=والعشق ما زار قلبه واستدله
دام تشكي للمعنا نستجيب=والنصح مافيه من عيبه وعله
ذكرى صارت والهوى قسم ونصيب=ذل قلبك قبل ما احدٍ يذله
واحذر الأوهام والفكر العجيب=عايش الأوهام ما يترك محله
يحسب انه قيض والجو اللهيب=والدلف مزراب من فوقه وبله
فاقد الاحساس بالوقت الصعيب=والعشق جلمود ما تقوا تتله
شفها ليلى شفها عبلا والحبيب=كيف حاله من بعد فرقاه ظله
بقلمي
ابو مهيد
العضو الأكثر نشاطاً هذا اليوم 
العرض الشجري
