شرط عمتك!

ياما سهرت الليل والبال مشتاق
ومن ضيقت الخاطر نجومه حزينه

وياما ضحكنا كذب من خاطرٍ ضاق
وكن الزمان الشين ما هو علينا

حتى دعسنا الحزن في مبسمٍ راق
ما كن همّي عمر بصدري مدينة

وفرش جزيل الشعر لعيون من فاق
ينظم على وصفي بيوتٍ سمينة

تطرب له احروفي على نبض تواق
وسالت له افكاري بيوتً لعينه

تتغزّل بحوره وزينه والأخلاق
لطفٍ يجمر الورد واللين لينه

ان كان عزابي خطفته للعراق
وان كان متزوج يطلْق و يجينا

يمّه انا معزمه وبالحيل مشتاق،
هاتي شروطك لا تتغلا علينا

وشرطي وشرط أمي بعد عدّ السياق «المهر»
تاتي على شوري بذات المدينة

تحيى و تموت اعْراقي وابنن للعراق
وان كان ما ترضى، بعدنا بسكينا

هذا شرط عمتك على طول سباق
أما شروطي اش كثر ياناس فينا

ريم الشمري


الليل ياطوله على الصدر لاضاق
تاقف به الساعه وتبطي سنينه
نسهر إلين الشمس تبدي بالاشراق
ونخفي ملامحنا بضحكه حزينه
راح الفرح من يوم لوّح بالأفراق
وأركى بوسط القلب جمره دفينه
ياصاحبي قلبي على البعد ماطاق
أحس بأنفاسي بصدري سجينه
خذني معك غربي وشرقني اشراق
اللي يحبك صدق لا تتركينه
حبيت فيك الحب في كل الأفاق
ومابيني وبينك سدودٍ متينه
الشرط مايطمن بها خطف ووثاق
وفيها خراب بيوت وأنثى حزينه
يابنت من صغري وانا احب العراق
واحب كل مافيه واحب ساكنينه
لكن سلمى حبها بوسط الاعماق
جذورنا في جبال سلمى متينه
اما تعالي عندنا وجونا راق
والا على ارض النشاما تجينا
بأرض محايد نقتل الشوق بعناق
وترضى علي امك ولا تزعلينه

نايف سلمى

سلّم على سلمى سلام من العراق
يصافح جبالا شهاقٍ متينة

ضحكت لي اظروفي بعد طول الفراق
بيّن شعاع الصبح كم قلت وينه

وترك عليّ امي بعد طولت اخناق
اقنع لك إياها وأهجر المدينة

من صغري كان الحلم نجدك بلا انفاق
اعشق ديارك عشق كم عاش فينا

خذني معك إلوين مادام الاشواق
تتركني بحالي اذا امسك يدينا

قلّي انا قربك ولا اتخافي فراق
اكسر قيود المسافة اللعينة

قول للعيونك ترى الحزن مالاق
وتمليلي عيوني ولليل زينة

خذني وانا اوعدك بنساه العراق
عطني قلب شاعر يفيض بحنينا

الدار قلبك دار مابعده اشتاق
أربع، يحل الشرع سنة نبينا

لكن بعدي الشرع سوي له اعتاق
لان مايلقى شبيهي بسنينه

وان كان تبغى اربع خلني بالعراق
ابكي المحبة لين تبيض عينه
ريم الشمري

لاح بسماء سلمى مع الرعد براق
ديميةٍ بالصيف هلت علينا
تحمل معاها ماطرٍ كله اشواق
هملولها عنبر مسك خالطينه
يازين ماطرها على الروح ترياق
تشفي قلوبٍ لوعّتها سنينه
ياراسم البسمه على كف الاشواق
كف الغلا مديتها لك ثمينه
بشعل قناديل الفرح وسط الاسواق
وبنثر بدربك فل مع ياسمينه
هلا هلابك منزلك بالحشاء لاق
خلف الحنايا العوج ومعمرينه
ما بالقلوب صعبٍ يسطر بالاوراق
اخاف من نفسٍ تجينا لعينه
نايف سلمى