[poem=font=",6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/35.gif" border="solid,5,green" type=2 line=0 align=center use=ex num="0,black""]
يقول الذي هذا الزمان أضحكه وأبكاه=تمثل بقيفان جزال معانيها
فهذي ليالينا لها كل حين جاه=وعز الله إنا ما عر فنا مغازيها
فياكم وياكم غيرنا قال يا ويلاه=تسوقه ظروفه ماعرف سر تاليها
فهذا مريض ماحدن عارف بلواه=جفاه الكراء والروح ذاقت بلاويها
شكا واشتكى والناس ماحققوا شكواه=حياته بدا يكره طوال البقى فيها
لقاني وهو متعومس الحال في ممشاه=عيونه تشوف الموت ياخي مخاويها
سألته وش العلة وماهو سبب دعواه=وجابت دموعٍ في خدوده مواريها
مسك يّدي اليمنى وقال الحقيقة هاه=بلاية خطير و علتي مقدر أبديها
ومن زود حزني طاح دمعي على مخباه=وحزة نظر في دمعتي قام يرثيها
نظر في دموعي قال ياناس ذا وش جاه=جروحي تعذبني وهو ليش يبكيها
أنا جيت لجل أرقيه واذكره بالله =وابيّن له إن الناس هذي مماشيها
ومن عهد بونا آدم وهذا العمر وأتلاه=مصير الفتى دنياه لازم يخليها
نظر لي وسلهم قال ذا شيء ما ننساه=وهذي حياتي مرها عقب حاليها
أخيرا توادع قال لي في أمان الله=عسى أرواحنا في جنةٍ بذن واليها
[/poem] وسلامتكم