ما تمنيتك لأنك كنت أبعد من خيالي
ما خطر في بالي مرة إني ممكن أوصلك
كنت أشوفك مثل نجم(ن) في السما ساطع وعالي
يا بعيد وجابك الله لين عندي وصلك
جيتني مثل الشروق اللي محى عتم الليالي
جيت فرحة للحزين اللي من همومه هلك
جيتني وأنت يحبك ألف محبوب بدالي
سخرك سبحانه اللي في عيوني كملك
هو صحيح إحنا إلتقينا ،، هو صحيح أنت قبالي ؟؟
هو صحيح إني حبيبك كان لي حق أسألك ؟
كانني أحلم طلبتك خلني هايم لحالي
خلني بالحلم عايش فيه دامي به معك
ممتلي بالحب قلبي و غير قلبي قلب مالي
اهدني قلبك حبيبي خلني فيه أعشقك