يِمرْ الما علـى شفـاهْ اليبـاسْ وينبـت / النّسريـن
وامُـر البـالْ/ باحْلامـه غديـرْ وغيمـةٍ خَجْـلَـهْ
أَفِـكْ ازْرارَهـا يِتْلَعْثَـمْ بْهـذا الخجـل ( تشريـن)
أَفـزّز مـن عصافيـر الحكـي عصفـورةٍ لْأَجْلَـهْ
أسولِفْلَهْ عن أحْلامي عن احْزاني عـن الـ/ تّكويـن
عن أوّل دمعـةٍ هـزّت عُيونـي وِحْـدَرَتْ عَجْلَـهْ
أَشَكّـلْ مـن تراتيـل الغـلا / معزوفـة التّلـويـن
ألوّن في شَغَبْ هايم/أَضِـجْ احسـاسْ مـن أَجْلَـهْ
تعـال بْشرفـةْ ضْلوعـي/ تعـال وْطَيّـرْ التّخْميـن
وِخَلّـكْ جانبـي مِثْـلَ الفَـرَحْ تَعْويـذَهْ بْـحِجْـلَـهْ
تعالْ وْشاغب احْساسـي ولاتسـأَلْ / مِدانـا ويـن؟
مَـدام الطّهْر يِتْمَرْجَـحْ مـا بيـن ظْروفِنـا الوَجْلَـهْ
تعـالْ الطّفـل واجيلِـكْ بـراءهْ تِسْتِـفِـزْ الطّـيـن
تعـال وْغَمّضْ عيونـي وِغرّقنـي كمـا / دِجْلَـهْ
وِتِسْأَلْ :مين انا ؟ ..واضْحك : تِصدّق ماعرفتك مين!!
وتضحك / تفتح عيوني :أحبك مـوت يـا ( نَجْلَـهْ )
تِوَحّشْـتْ التّفاصيـل الصّغـيـرة بينـنـا الاثنـيـن
تعـال امْـلا تفاصيلـي / حكايـا معشبـة هَجْـلَـهْ
تعال انبـتْ علـى شفـاه اليبـاس وعلّـم النّسْريـن
بِأَنْ الصّدق بِعْيونـك / قميـصْ الغيـم / يُنسَـجْ لَـهْ