.
[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
للترف خيـل ٍغـدا مركاضها .. صـدري=وطيور شوقي غدا مقيالها .. عيونه
لبا جفونه .. ولبا طبعها الخدري=ويالبا سوادٍ رقد .. في خدري جفونه
اثره بضحكة سنونه حافر ٍقبري=ولاكنت اظني باموت بضحكة سنونه
شرهة متونه على شلالها الخمري=وان نثرته الهبوب .. مردّها متونه
جيت اجبر الكسر .. لكنـه كسـر جبـري=مجنون والحظ ساقه يم مجنونه
يتفنـن بلوعتي .. واتفنن بصبري=حتى غـدت لوعتي مـن اجمل فنونه
لارحم ابوالحظ ساق الهجر مـن بدري=وشيّد جسور الجفا مـن دوني ودونه
واقفيت لاني ضرير .. ولاني ببصري=اليا منعني الحيا .. ساقتنـي لـه المونه
ومشيت اسوق الخطا في الـدرب واهـذري=تكفون .. ياللي أخذتـوا خلّـي تردونـه
ابطى .. وخلّى سـؤال ٍ يلهث بفكري=مادري يصون الغلا ؟ .. مادري هو يخونه ؟
ويوم اني اسـجّ بيـن ادري .. ومـاادري=عقب البطا .. جاء يقول : الـدار وشلونه
قلت انت : دارك هنا.. وأشٍّر على"صـدري"=قال انت : دارك هنا .. وأشًّرْ على "عيونه" [/poem]
.