اسم مستعار ..!

[align=center][tabletext="width:90%;background-color:white;"][cell="filter:;"][align=center]

مع مغيب الشمس ليلي اسأله
ومع شروق الشمس يسألني نهار !!!
ماعرفته ؟؟ قلت ليلي يجهله
وانت مثله !! يا خساره واستدار !!!
واستمر الحال ليله مقبله
مع نهارن مدبرن لاذ بفرار !!!
والسؤال بخاطري ما اتحمله
في خفوقي يتقد يقدح شرار !!!
يوم قالت لي " حرامن " قلت له
في سكوتن لا تزيد النار نار !!!
يكفي اني ميتن شوق و وله
ودي اعرف من ورا ذاك الستار !!!
صارحيني دام حنا بأوله
مستحيل انتي وانا نلعب قمار !!!
ليل صمتك مع سؤالي مااطوله
والليالي لانجلى صمتك قصار !!!
التساؤل صار عدة اسئله
والاجابه !! في جحيم الانتظار !!!
انتظر ثم انتظر ثم امهله
وانتظر ثم انتظر مالي خيار !!!
والجديد من القصايد ابخله
ما تغلى وانتي ادرى باختصار !!!
النحل لولا الزهر وين عسله
والزهر لولا النحل وين الثمار!!!
القصيده في ضلوعي مكبله
تستغيثك وبيدك فك الحصار !!!
تنتظر نزع القيود مؤجله
خايفه من قولتك فات القطار !!!
والله اني لا بغيت اتخيله
الخيال ببحرها منها يغار !!!
حالفن بالله لاجلك لاجعله
درتن داخل محاره في بحار !!!
القصيده لا بغيت استعجله
شاعري من سحرها استغفر و صار!!!
قبلهالازم يقول البسمله
لا يصيبك بالحسد ناسن كثار !!!
يكفي ان " اعجابك " احيا هيكله
انبعث من برزخه ينفض غبار !!!
شاعري والله لو ما اتوسله
ينتظر منك الاشاره !! كان ثار !!!
قالها والكل صابه زلزله
السهارى شهرزاد و شهريار !!!
السفر حل السفر !! قلت اشعله
ليل حزني بالقصايد و استخار!!!
شاعري من خوف حزني يقتله
قال عفوا ما اريد الانتحار !!!
" الزمان 2 مارس " سجله
المكان بشاطيء الدوحه و دار!!!
الحوار اللي كتبته ما اجمله
واسمحوا لي ما معي " نص الحوار !!!
والسؤال اللي سقاني الحنظله
الاجابه تحمل اسمن مستعار !!!

للاسطورهـ الشاعر / عادل حزل الشمري

[/align][/cell][/tabletext][/align]