دن الحطب ياصاحبي والمعاميل

https://www.youtube.com/watch?v=fRFr...e_gdata_player



دنّ الحطب يا صاحبي و المعاميل
والنار شبّه لين تصبح سعيره

أوجس بقلبي مثل صقع الفناجيل
والهم يسري بي على كل ديره

طاب السهر يا صاحبي و التعاليل
أنا وأبو ماجد على طيب سيره


نعم الرفيق ابن الكرام الحلاحيل
شوير من ضيّع بعمره شويره

قرمٍ على ما قيل ما يعرف الميل
مثل القطامي لانتهض من مطيره

أحب خوّة طيّب النفس بالحيل
وأحب أبو ماجد ولا لي بغيره

الكيف هذا الكيف في تالي الليل
وش للرجل غير الوجيه السفيرة


أعجبتني يوم شفتها معجبه الوالد
قلت والله لسدحها في بعد حيي