اسعفيني بصوتك

يا مشاعر مع الفجر ابحثي وأنشدي *** وفوق صهوة غرامي بالوكاد أركبي

حلقي في السماء العالي بشوق ارصدي *** كل خطوة مشتها الغالية واحسبي

خـبـريها بـشـوقي لو تقول أبعدي *** أقربي قولي العاشق يقول اطربي

وظلليني تـحـت صدر الوفاء ونهدي *** في تناهيدك ألقى غـايتي وسـهبي

خلي الـروح تعطـش بالحنان أوقدي *** لين تلقيني استسلمت لـك وقربي

وأبرقي يا سـحابه في سماي أرعدي *** هـلي الـوبل ترويني وتروين بي

كل جمرة أطفـيـها وأقـول أبردي *** وأرضي الظامية للحب أقول أشربي

وإن غفيت اطرقي باب الهوى ونشدي *** وش يصحيني إذا مُـتْ ثـم أكتبي

فوق صدري رموز اسمك بحرف أبجدي *** وأسعفيني بصوتك واضربي منكبي

صوتك أحـيا منه يا فـاتنة وشـهدي *** إني أموت بك وأحـيا وذا مطلبي