كثير ما كنت اسمع بالحب من طرف واحد
وكنت اقول وبكل سخف والله انه مجنون
ياخي ما تحبك ليه تحبها
وانتي ما دام ما يحبك ليه تحبينه
عقول سخيفة
هذا اللي كنت اقوله !!!
وتروح الأيام
وتمر السنين
وتتعاقب الأحداث
وسبحان مغير الأحوال
نفس الشعور اللي كنت انتقد واستخف فيه
صرت أعيش فيه
نفس الجنون اللي كنت اشوفه جنون
صار واقع وعنوان لحياتي
كيف ؟
ليه ؟
متى ؟
وشلون ؟
اعرف ان ما عندي جواب
بس هذا اللي صار
ألهمني ربي وزدني قوة
أشوف هالجنون احلى جنون
اشوف حالي أسعد الناس وأنا أسمي نفسي بمجنونها
صدقوني ما راح يستوعب ذاك الجنون إلا من واقعه
ولامس ولو اطرافه
ألهمني ربي وزدني قوة
صدمات عنيفة مربت بها بحياتي
كانت كفيلة إنها تصحيني
لكن هالجنون اللي يسمونه جنون
غطى القلب قبل العين
ألهمني ربي وزدني قوة
قلبي معلق بحبها بجنون
...وهي
.... هي
.......هي
........هي
آهـ يا هي
تعطيني جرعات من الصبر والتحمل
وكأنها تقول ياخي افمهما واتركني وابتعد عني
بصراحة كنت افهمها وهي طايرة
لكن ما ادري وش صار لي بذيك الفترة
وكان كل اللي ودي تفهمه إني مجنون فيها
من الريح اغار على اطراف ثوبها
ومن الناس ودي امسح الكون على شانها
تصدقون من أهلها أغار عليها
وش بعده جنون ؟؟؟
ألهمني ربي وزدني قوة
عانيت منها
ومن حبها
من تطنيشها
من برودها
من اخلافها لمواعيدها معي
رسالتي تحتاج لاسبوع او اكثر للرد
واتصالي في المكالمات الفائتة دون رد
مشاعري واحاسيسي لم تتغير في يوم من الأيام
كل يوم وهي في بالي
بصراحة مو كل يوم
لا وربي
في كل ساعة
ويمكن في كل دقيقة
وأنا في آخر اهتمامها
لكن في النهاية اجمع كلام ابي اقوله لها
ولا سمعت صوتها
يطير كل اللي معي وارجع مثل الطفل الرضيع
اللي ما يستغني عن امه
كلمة وحدة منها تهز كياني
صرت اعيش على رحمة قلبها
لكن مستحيل اعطيها اللي تبيه
عرفتم وش اللي تبيه
هي تبيني اقول لها الوداع
وانا عاهدت نفسي ما اقول هالكلمة
إلا لا صرت في لحظات الاحتظار
ممكن اقولها
ممكن اقولها
ممكن اقولها
لأن بعد هاللحظة ما يهمني وش اللي يصير
ألهمني ربي وزدني قوة
كان همي الوحيد انها تكون مرتاحة
وتكون في سعادة
وتكون في صحة
كنت اتمنى
ما احد يضايقها
ولا الشمس تزعجها
ولا المرض يرهقها
ولا أحد يزعلها
ما كنت طماع كثير
ماصرت ابي منها شي
يكفيني اللي احسه واللي اعيشه
يكفيني لو جاتني أخبارها
إنها بخير وبصحة
والسعادة تملى حياتها
شفتوا كيف أنا مو طماع ؟؟
ألهمني ربي وزدني قوة
قبل لا أنام كانت تشغل أفكاري
وأول ما اصحى من النوم يجي طيفها عابر
وش اسوي لا صحيت وتذكرتها
ابتسم
ترد امي بسم الله على قلبك
فديتك يا يمه
ما تعرفين وش اللي خلاني ابتسم !!!
في كل مكان اذكرها
وفي كل زمان اتخليها
في كل شارع
وفي كل مدخل ومخرج
لكن في داخلي يستمر الصمت
وعدت نفسي ما عاد ازعجها
ووعدت ذاتي ما يوم اغير قناعتها
وطال السكوت
وطال السكوت
وطال السكوت
طااااااااااااال
صدقوني طال كثير
وكبريائي تفرض علي إنه يطول
وما تغير داخلي شي
باقي قناعاتي مثل ما هي عليه
مستحيل يعني مستحيل
اقول الوداع
قلتها من قبل
وقلتها امس
واقولها اليوم
هي قناعة داخلية وما لقيت مجال اغيرها
ألهمني ربي وزدني قوة
تمر الأيام
وتتغير احوال البشر
يروح الشتاء وتجي بعده كل الفصول
ويرجع الشتاء من جديد
وانا بنفس القناعة
نفس المكان
وعايش بنفس الزمان
الزمن يلف ويدور
والناس مع الزمن تتغير وتتبدل
وانا مكاني
مكاني
مكاني
على حالي اللي كنت فيه قبل عامين
ما تغير شي
كانت اعاهد نفسي لو بعد 100 سنة
راح أكون بنفس الحال
نفس الوعود اللي عطيت نفسي عطيتها
وبنفس الكلام اللي اقوله بيني وبين نفسي صارحتها
ما توقعت بيوم من الأيام ان وعودي اللي على نفسي قضيت أخلفتها
ألهمني ربي وزدني قوة
في يوم من الأيام
طارت فوق رأسي حمامة
وفوق الحمامة غمامة
قلت يالله تجعله خير
وش سالفة ذيك الحمامة اللي فوقها حلت غمامة
اشغلت بالي ذيك الحمامة
قمت اتذكر وش اللي قبل كم يوم حسيته
تذكرت اني لمدة اسبوع احلم فيها
مرة ويدي بيدها
ومرة تطلب مني شي اقدر عليه
وانا ماكنت اطلب منها إلا انها ما تتركني
حتى في الحلم كانت تلعب علي
تقول ان شاء الله
ما تتركيني ؟
ان شاء الله
وفي وجهها نور
وعلى شفايفها احلى ابتسامة
ولما صحيت قلت افسر الحلم
لكن رديت وقلت مثل ما قال
حامد زيد
ياخي فال الله ولا فالك
انا عارف ان هالحمامة عندها شي ودها تقوله
يا ترى وش اللي تبيه ؟؟؟
ألهمني ربي وزدني قوة
علمتني ذيك الحمامة
وبعدها طارت الحمامة
وطارت معها السعادة
واخلفت كل الوعود والعهود
واخرجت كفارة اليمين
لأني مضطر أقول
.
.
.
.
الوداع
يقول سعد علوش
أن كان شوفة غرّتك مستحيلـه
أكيــد لمسك ســابع المستحيــلات
صار هالحين واقع
لاني عارف انه وصلها مستحيل
واقع حياتها اللي صار يفرض كذا
عرفت اني هالمرة غير
واني راح افقدها للأبد
هالمرة غير
والخبر جاني بصدمة
والحمامة عمرها ما تكذب علي
وانتهى حلم العامين بذاك الخبر
قمت اعتذر للي يهمه الأمر
اعتذر يا قلب
واعتذر يا كون
واعتذر يا ذات
العرض الشجري
