كيبورديه لعيونكم
لا ترتجين ابخافق الشوق الأظلم=حطي همومك مع همومي أوحيّدي
وخلي صفاة الشوق يالغاليه دم=وقدي دبر مفتاح صبري وعيدي
وليا لقيتي قلب ماقال لك تم=صيحي على جيران حبك وكيدي
يمكن تجيك اخوان قلبك تداحم=ضمي على اطراف صبعك ابيدي
وخلي حلات الشوق يالفاتنه سم=ترجم محبتنا وانا به شهيدي
ليا صفاة الشوق نرجم بك الهم=العشق سيدك والبهاذيل سيدي
مع اخر النظرات والشوف معتم=اناظر ابعينك واقول استفيدي
وليا غفيت بغفوت الموت والتم=اصوات ماحولك يروح ويزيدي
فعرف قدر حبي على عهد مسلم=يمشي على فرض المحبه وريدي
ياكم همً راح وشتقت له كم=كنه سوار الحب جيدك ابجيدي
معاد اللي قلبن همومه تضمضم=كن الهوى طاروق همه نشيدي
وآلفت همي كنّه الخال والعم=وامي مع الماضي وجدي جديدي
لا ترتجين ابخافق الشوق الأظلم=حطي همومك مع همومي أوحيّدي
قيس