ما امداني افرح فيك لا يـا خسـاره
قفيـت عنـي و المشاعـر ترجّـاك
وشلـون طافـت ياللبيـب الإشـاره
كيف اعتذر للقلب لا جـاب ذكـراك
وشلون اطفي عنك شوقـي و نـاره
وشلون انا بأكف وردي علـى مـاك
وشلون اغيّر خاطري عـن مسـاره
وشلون أكفكف دمعة تطلب رضـاك
مـن أول بكفـك تخـف الحـراره
و يطيب جرحي لا تبسّمـت بشفـاك
معك عرفـت اللـي يسمّـى إثـاره
و أطرب إلا من قلت لي يالغلا( باك)
وش خانة الدنيا و وِش هي الأمـاره
يا سعد من حظّـه تلـوّى بشـرواك
و الله لـولا انـي براسـي نعـاره
و أخاف من كلمه تحسّك و تشنـاك
لأسوق نفـس مـا هدفهـا التجـاره
و أسري على ذيبٍ من حماك سرّاك
عشـان تبطـي مـا تمـدّ البشـاره
و تحس فـي ذنـبٍ جنيتـه بيمنـاك
الشاعر عبدالله الدوسري
العرض الشجري
