لاتقتل الحرف في صدري وانا أحبه *** يااغلى حروف الحنين واصدق شعوره
يااطهر من الغيم جيتك وانت لي قبه *** عشقي ظلالك وابنسى نكسة الفوره
ذبحت حزن الغرام وشوف بااذبه *** في سجن الأيام واقف ينتظر دوره
القلب باقي خضر ماتقدر تشبه *** والعشق ينزف عذر والروح ممـــطوره
هذا القلم في يدي لوكنت بأ اكتبه *** يشرب شرايين قلبي نزوة حضوره
رح للقصيد القديم وللضما صبه *** وقله ترى شاعرك ناوي على الثوره
لاتنحنى للحزن وتوه بالغبه *** با اصير لك ارض باالضحكات معموره
وسج الأحاسيس والأعذب تشعبّه *** يفداك نزف الانين وصوت عصفوره
جاك أكثري عذب والواجب ترحبّه *** وارسم بقايا حشاي بروعة الصوره
واصوات حزن المواجع وقف ولبّه *** وامسح مدامع ظلامن طال ديجوره
لو مااحسك وطن جيت اتغربّه *** مااظن والله تجيك أخطاي معذوره
أنا بدونك أمل خسران واكسبّه *** شامخ لوأني بقايا روح مكسوره
لالا تعاتب وانا المغرور والسبه *** طالبك روحك تصير ارواح مغروره
تنحر لي الجرح لاغبت وتجي طبه *** بلسم جروح الضياع وريح كافوره
بافل شعري على الاوراق واحبه *** وانتى (وربي ) حنينه واصدق شعوره
ودي للجميع
العرض الشجري
