[align=center]السلام عليكم ورحمة الله وبركاته
بدايه .. يُسعِدُني ان آكون بين هؤلاء النخبه
و
لأنهُ مرتع ثقافه / أصاله .. فآخر بمن به !
آتيت بـ متواضِعه علّها ترتقي لـ ذوائقكم
لكم
و
لـ الخيال العشريني الغائب
\
\
http://www.youtube.com/watch?v=qE7Zxf2BneI
ياغايتي ومناي قلبي يناديك
.. .. .. .. لا افقدك وابكيك دمع ونحايب ..!!
ياغايتي والقلب يرجيك يرجيك
.. .. .. .. رجوى السقيم الي فقدله طبايب !!
العام كنتي حلم اكتبك وامحيك
.. .. .. .. واليوم مثل العام كلك نشايب ..!!
حال الفقير الي غدابك ويبغيك
.. .. .. .. ماهاب من ضيقه ولا صار هايب !!
ماعلمه فقره يخونك ويشقيك
.. .. .. .. اصيل ماتجحد عيونه حبايب ..!!
شمالي(ن) يهوى بروحه ويفديك
.. .. .. .. طنيان راسه لو دونك حرايب ..!!
يمطر عليك الوصل بأبيات وتجيك
.. .. .. .. ممزوجةٍ بالطيب مثل السحايب ..!!
ياغايتي وإن كان هالبُعد ينجيك
.. .. .. .. انا على لقياك .. ماني بـ تايب ..!!
قد قلتها مبطي وارجع اخليك
.. .. .. .. تسمع لقولي دون حق وطلايب ..!!
ضاق الفضا وانا بروحي احاتيك
.. .. .. .. ياضيق صدر الشمري وانت غايب !!
خلك على فرقاك تبعد وانا ارجيك
.. .. .. .. وابكيك حتى يصبح الدمع ذايب ..!!
عبارةٍ قد قلتها في معاليك
.. .. .. .. منها جروح الفقد فيني عطايب ..!!
الشوق والفرقى ولقيا موآنيك
.. .. .. .. وسفن الوصال الي خذتها الهبايب !!
كنا قبل عامين نرجيك نرجيك
.. .. .. .. واليوم من رجوآك ذقنا المصايب !!
ياغايتي ومناي قلبي يناديك
.. .. .. .. لا افقدك وابكيك دمع ونحايب ..!!
.. .. .. .. لا افقدك وابكيك دمع ونحايب ..!!
.. .. .. .. لا افقدك وابكيك دمع ونحايب ..!!
لكل العابرين
[/align]