أيام زمان مرت مع الأزمان

أيام زمانمرت مع الأزمان

عزيزي القارئ شو رايك نسترجع ايام زمان مع عصرنا الحالي ,,,

يعني مو بعيده ايام زمانبس قبل 50 سنة تقريبا ...

(( الشهادة والتعليم ))

زمان ... كانت الشهادة تنفع وتخليك مدير ..

هالوقت ... الشهادة الجامعية لوحدها ما بتكفي ولاّاا بتصير زي واحد معه محو أمية ,,,

(( الفلوس ))

زمان .. الدينار كان له قيمة حتى الفلس كانوا يستفيدو منه ,,

( كان ابوي يحكيلي انو بقرش واحد كانو يشترو شيبس وعصير )

هالايام ,, الدينار صار ما يجيب الا بيبسي وحبة شوكلاته ,,,

(( الزواج ))

زمان .. كانت أمور الزواج ميسرة وقليلة العنوسه ...

هالايام ... العنوسة تزيد كل سنه والزواج تكاليفه تهد الحيل ,,,

(( الأغاني ))

أغاني زمان كلها شعر وكلماتها تدخل القلب والعقل ... وما تنتهي صلاحيتها ...

أما

أغاني هالايام حكي وحكي كتير ... قلي وقلتله ,,, وتعال لما أقولك وشو مالك علينا زعلان ....!!!

ولاّااا برتقاله عذبتي حاله ويا الرمانه ويالتفاحه و و و >> فواكه

وبعدين يالكوسه ويالبيتنجانة >>> للي منقهر من مرته ...

وانا دانة انا دن دن فتح عينك تاكل ملبن >> لا والمصيبة منكيف عليها

وليك الواوا بوس الواوا خلي الواوا يصح <<< بس بدنا اي شي نرقص عليه

(( الفيديو كليب ))

زمان .. الفيديو كليب يقف الفنان ويغني لحد ما تحفظ شكله وما تجيك الا لقطات بسيطه على عيون صبية أو وجهها من بعيد ...

هالايام .. الفيديو كليب بتنحوّل عيونك من كثر لقطات هالبنات اللي بترقص على الدقه وما بتعرف مين هو الي بيغني

((( المسلسلات )) >>>

زمان ... تنتظر حلقة بكرا على أحر من الجمر ويضيق صدرك اذا اجت الحلقة الأخيرة لأنه وراها هدف اجتماعي ...

هالايام ... مسلسلاتنا من أول حلقه تقول يلا متى تخلص وتجي الحلقة الاخيرة >>> ما فيه وقت نتابع ..
ومسلسلات هالزمن اغلبها بيمطمطوا فيهم <<< بالعافية وبالموت بدهم يوصلوها لثلاثين حلقه

(( الحب ))

حب ايام زمانآخره زواج ويكون صادق من القلب فيه تضحية واخلاص . .

هالايام .. فيه حب بس نادر ما تلقاه صادق ...

الأكثريه بيحبوا بس بيمشوا على مقولة

* اشحن سوا ..... نطلع سوا .....*

(( الجيران ))

زمان .. الجار للجار حتى بيروحوا معك للمناسبات ويشاركوك أفراحك وأحزانك ... وتحس اللي جنبك أهلك مو جارك ...

هالايام .. الجار ما بيعرف عن الثاني

و اذا رن عليك حدا قلت شو بدو هاد ؟؟؟ >> والله جيران مزعجين

(( الأكل ))

زمان ... كان صنف واحد يشبعك وطعمه ما ينتسى ... حتى الخضرة كان الها فايدة ,,

هالايام .. تحط بالسفرة أكثر من صنف ولا واحد يشبع بطنك

و نص صندوق الخضرة تاكله والباقي بالزباله >>> ذبحنا هالكيماوي

(( الوصل والأقارب ))

زمان .. كان بالبيت فيه أكثر من 20 شخص الأم والأب وولادهم ونسوانهم واطفالهم>>> وعايشين مرتاحين ..

هالايام.. كل واحد بدو غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...

((( العيد )))

زمان ... العيد يفرح فيه الكبير والصغير ويومه ما ينتسى ...

هالايام .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...

* * * * * * * * * * * * * * * * * * * *

هذا بعض من مقتطفات الحياة المختلفه ولكن لو خيّرت العيش بأيام زمان أو هالايام الحالي ؟؟ ماذا تختار !!!؟؟؟

أنا ما عشت فيها بس ياريت ناخذ منها ونضيفها على أيامنا يمكن حالنا يتحسن

وعلى قولة أهل الشام

رزق الله على أيام زمان

وبالفلسطيني يرحم ايامك يا ستي

واهم شي

ايام مان كانو العرب متوحدين وكلهم مع بعض مو مثل هلاء بيكون في حرب بالبلد الي جنبنا واحنا مو عارفين كل واحد ماشي على مقولة
اللهم نفسي