السلام عليكم ورحمة الله وبركآته ..
حيهم ي رب
علومكم من زمان عنكم وعن هنا
من سمن من نحف من اعرس من تعدل نظاموه
>حسيت اني مهاجره 90 سنه
وانا بخير وادري انكم فقدتوني وكذا >كف
والبيت يقول
يادار وين اللي بباتس يهلي
ابتسي قصير قصرته ماتملي
^
طبعا" لطشت هالبيت من عمتي
ولاادري له كماله ولاادري هو صحيح الكتابه
ولاادري وش مناسبته بعد
يعني حسوا انه ماهو موجود اصلا"
طبعا" الكل يعرف اننا في حاره جديده >يلعن ابليس
ماتركتي هالسالفه اللي لها سنتين وانتوا ناقلين
عندنا جيران متطفلين لدرجة ماتتخيلوها
عن كل شيء يسآلون يتدخلون في اتفه الامور
وحتى في الامور الخاصه فينا يسآلون عن اي شيء يشوفونه
يسآلون كل شيء كل شيء كاشفين كل تحركاتنا
وين رحتوا امس ليش تاخرتوا البارح
عيالكم رجعوا 9 الصبح ابونا شافهم
سياراتكم ماهن بوه
عيال خالتكم عندكم
عمامكم شفناهم
مره احنا في المخيم ارسلوا لنا لمبات بيتكم والعات من فيه
يعني بشكل مو طبيعي
صراحه عايشين ضغط نفسي من تحركاتهم تحس عندهم دربيل
من الاشياء اللي شافوها ..
نجي هنا فيه ناس قالوا لنا هذا شيء حلو ..
وانه هالنوع من الجيران زمان هلحين كلن تغير مافيه مثل قبل
بس لاصار كافي خيره وشره افضل عندنا من هالتطفلات ..
رائيكم ..
- اخباركم مع الجيران وهل فيه تواصل مدى العلاقه..؟
- تفضل هالنوعيه من الجيران عن انه مايكون فيه
يعني عادي يكون هالجار جاركم افضل من مافيه ..؟
- التصرف اللي تتصرفونه لاصار هالجار جاركم ..؟
يعني مافي جعبكم >او جعبتكم
>اكتب الموضوع وانا اقراء المعوذات لايكون احد بس من جيراننا
هنا ويقراء
>وسوست من كثر ماعرفوا عنا كل شيء