بعض الاوادم شوفته ترفع الضغط=يا الله تبعد دارنا عن دياره
ويله على اللي بالعصا يمغطه مغط=يما يعيف النفرزه والنعاره
يقراء كتاب الله ولايتر اللغط=يبي فروض الدين حسب اختياره
ينغط غراب البين ويزوّد النغط=ومن الحقد صدره تقادح شراره
صدره على حمل الحسد زوّده وغط=يغلي ضميره باالحقد والحقاره
ابليس في حلقه زغط عاتقه زغط=احكم عليه ابليس فكره حصاره
تقول من خبث النغم مصعطه صعط=اسرج عليه ابليس سبّق مهاره
الكبر في قلبه لعط خافقه لعط=عليه شن الكبر تسعين غاره
شيطان تفكيره شعط مهجته شعط=والكبر هو عيب النفوس ودماره
مشعل عسام التريباني الشمري في ١٧/٧/١٤٤١هجري
العضو الأكثر نشاطاً هذا اليوم 
العرض الشجري
