[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
اسهرتني ياصاحبي وانت نايم =وتقول لي جسمين وارواحنا روح
ياللي كسبت بعشرتي هالغنايم =وانا كسبت الهم والدمع والنوح
تفطر غرامي يوم انا منك صايم =تضحك وانا في داخلي قلب مجروح
علمتني وشلون طعم الهزايم =تخطي ولكن عادتي قول مسموح
صرت الغصون وهالمآسي حمايم =ناحن على غصن الشقى واسمع البوح
ذبحت في ميلاد جرحي تمايم =دمعاتي اللي طاوعن نايح الدوح
ياليتني طاوعت بك كل لايم =وآمنت بانك يا اسود القلب مفضوح
كان الذي في داخل الصدر حايم =لاشافك اقفى وانتحى وابعد الشوح
ولاعشت ليلي واعيٍ وانت نايم =ولاقلت لي جسمين وارواحنا روح[/poem]
للشـاعر / ياسـر الشعفان الشــمري