كان يلــــــــــــــعن سقــــــــــــــافـــــــــــــــك

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

عز الله ان القلب يازين عافك=وباب الغرام بوجهكم صار مصكوك
مظهورنا شدت ركابه وطافك=من بان لي هرجك حيالات وشكوك
اشوا خفوقي ما تولع وشافك=والا سحبتيني على الخشم بالشوك
الكذب بهروجك ونونك وكافك=وفي غدر قلبك بالهوى ألف مبروك
شفت الدلع ظاهر بهرجك وقافك=وظنيتني تايه على الدرب متروك
ولو كان غيري كان يلعن سقافك=لاشك انا قلبي على الطيب مسبوك
والله فلا نلمس طوارف غدافك=وتلقى جزاء غدرك على كف صعلوك
تكرم يميني ماتلامس عطافك=واكفخ كما طيرن من السبق مفكوك
وتفقد عيوني في ليالي جفافك=لاذقت نار اللي خذوك وتناسوك
صارت خطاوينا الشريفه خلافك=وربوع قلبك لاقضوا منك شاتوك
لاجل يتعدل يالخسيسه عسافك=ويكتب على عسفك مواثيق وصكوك
القلب شلته عن غباير رفافك=ونثرت جرحي زين الاشعار بالبوك
قدمت سعيك قبل تنهي طوافك=تبي المعزه والملاعين هانوك
غرك غرامي في بياضة رهافك=وظنيتني بكفوفك العمر مملوك
كنز الغناة اللي يعزك عفافك=والا فساتينك دناديش وسلوك
لو عشت عمرك راضي(ن) في كفافك=ماطعت شور اللي على الغبن خلوك
ذقتي طلاقك قبل ليلة زفافك=من غدر ناسن مثل مابعت باعوك [/poem]