اخذة عبره من حياة التجاريب ،
وفهمت شيئآء باالعرب يجهلونه
والكلمة اللي ماتجي صوب وتصيب ،
ماني مصارها ولاني زبونه
واحذة راع العنزمن سطوة الذيب ،
لوهي بوسط الشبك ما تحتمونه
ياجاع باالدم الحمر يصبع النيب ،
حطوا عشاه وجنبوا لاتجونه
او عاملوه بطيب ينفع الطيب ،
وتذكروا بعض القصص يذكرونه
قصة خوي الذيب كب المزاهيب ،
وعشاه زاده و اصبح الذيب عونه
سراء وجاب الذيب فود ومكاسيب ،
ذودآ تموت ارجال ماياصلونه
ودهم خوي الذيب فقرالمعازيب ،
من سبته والسالفة تفهمونه
شوري عليكم ياخباث الاصاحيت ،
لا تغططون خشومكم باالمهونه
يااللي تلمح لاقيآ لك عذاريب ،
من افمك ادينك وانتم الي تبونه
توك تعرض بناعسات الرعابيب ،
وهاالحين توا علومكم تطلعونه
نصيحتن مابه شكوكن ولاريب ،
مافات مات وتاليه تتركونه
لاكن الرسول بدعوة الحق ماجيب ،
اقفت خبول قريش مايسمعونه
والي بغا يلعب عقب طلعت الشيب ،
عزالله انه ياكله في سنونه
يشبع من الي طاح بين العراقيب ،
ومازاد عن حلقه إيكحل عيونه
ولاتاجد الي سالمن من شواذيب ،
كل على تكوين ربه يكونه