فيهـا غنـج ســاذج عـلـى ملعـنـة جــد

[poem=font=",6,white,bold,italic" bkcolor="sienna" bkimage="" border="double,8,sandybrown" type=1 line=0 align=center use=ex num="0,black""]

مـن ناحيـة صعبـة فهـي صعبـة بـجـد=وان جت على حلوه فهي اخـر حـلاوه
فعـلا طويلـه بـس مـا هـي ب..هالـقـد=طــول الاف بـــاول حـــروف الـغــلاوه
جمـرة حشـا مقصوصـة مـجـدل اتـعـد=شـقـراء عـلـى كــم خصـلـة كستـنـاوه
اليا اقبلت لي بعضها في بعضها اشتد=بيـنـه ولــه لـهـفـة وغـيــرة وعـــداوه
وان جـت تلفـت طـاح ضـد علـى ضـد=الـيـن يغـشـى اللـيـل صـبــح الـنـقـاوه
فلجـا ثغـر.. عنجـا حـور.. مهملـة قـد=في عودهـا اقسـى ليـن واليـن قسـاوه
عكفا هدب.. زينـة عتـب.. زاهبـة رد=فـيـهـا الـهـدايـه والـهــدى والــهــداوه
لاسولفـت سمـى علـى انفاسـهـا الـنـد=وكفـوفـهـا تـمـسـي الـنــدى بـالـنـداوه
فيهـا غنـج ســاذج عـلـى ملعـنـة جــد=عـلـى شـويـة شيـطـنـة مـــع شـقــاوه
مـن حــدة الفتـنـه خــذت فتـنـة الـحـد=تطـوي فضـا الفتـنـه بفـتـن الفـضـاوه
تسـتـغـفـل الـغـفـلـة تــــودد ولا تــــود=تستـطـيـب الـطـيـبـه لــحــد الـغـبــاوه
تسـرق تفاصيـل الصـدى لاخـر الصـد=وتـمـاطـل ايـــام الـرخــا.. بـالـرخــاوه
مــدت لوصـلـي يـــد واقصـتـنـي بـيــد=لا ذقــت وصــل ولا شـعـرت بـجـفـاوه
راودتــهــا ردت.. تـــــرود.. وتــرتـــد=تــريـــد.. تــتـــردد.. تــــــردد.. رداوه
ولنـي مـا احـب اصـلا اثقـل علـى حـد=خـذت القصيـر مــن الحـفـا والحـفـاوه
حــلــوه وتـتـغـلـى ولا جــــات لـلــجــد=عــادي تـغـلـى مـــن لـهــا هـالـحـلاوه
[/poem]