الحيوان الذي يسحب الحراثه

بسم الله الرحمن الرحيم
السلام عليكم ورحمة الله وبركاته00
رأيت امس الظهر كأني واهلي رايحين زياره لبيت صديقتي وبننام عندهم ولما جاء وقت صلاة الفجر طلعت بجنب بيتهم ابي اصلي الا ابو صديقتي المتوفي وبيني وبينه حيوان يسحب حراثه يحرث الارض وبجنب ابوها بشوي فيه بيت شعر كبير كأنه له وهو جالس برى البيت لابس ملابس جديده ونظيفه ومستانس وبعافيته وعنده طعام وخير ويوزع على اللي عنده وكأن واحد من عيال عمه (مو متأكده منو بالضبط) جاي يتطمن عليه ويسأل عن حاله وهو يسولف عليه ويقول الحمدلله انا بخير وشف الخير اللي انا فيه من عيالي وبناتي وشف هذيك (ويأشر علي) خوية بنتي جوزاء ماشاء الله على خوتهن (كأنه مستانس على خوتنا) وماشاء الله على هالبنيه (يقصدني) كلها خير وبركه يا كثر بركتها وخيرها من دخلت عليهم جمعتهم (كأنه منبهر بشخصيتي ومستانس لوجودي عند اهله) وقعدت اصلي الفجر بخشوع ولا اهتميت لها الحيوان ولما خلصت قال ابو صديقتي للرجال اللي عنده شف ماشاء الله ماخافت يجيها بحراثته كملت صلاتها ولاخافت خلصت وسلمت عليه ودخلت داخل الا حاطين سفرة الطعام بالمطبخ وعليها امي وخواتي وام صديقتي وخواتها جلست وقالت وحده من خواتها (ذكرت اسمي) شرايك بصوت الحراثه قالن خواتها مزعج قالت صح حلو وريح الزرع حلو قلت ايه وبداخلي كأنه عاجبني ريح الزرع والارض من الحرث جيت بأكل الا جاء اخوي ومعه ولده الصغير قال خوذيه سوي له رضعته جيعان (كأنه متزاعل مع زوجته وموديها عند اهلها) قلت زين وراح قعدت اوكله معهم خلصو وقامو وامي كأنها تضايقت مني تقول العرب يبون يكفون مواعينهم وهي تأخرهم تحسبنه ببيتنا بقيت معي الصغير وبنت اخت صديقتي قعدت باكل واخت صديقتي تغسل المواعين وتقول عادي كولي لاتستحين الا صوت اخوها سعد يبي يدخل يتسبح قالت سعد عادي ادخل ماعندنا الا (ذكرت اسمي) استحيت خليت الصغير ورحت اركض للصاله ووقفت حطيت على راسي الطرحه وكنت لابسه فستان حفل لونه سكري تبعني قال اخيرا شفتك ياكثر ماسولفت عنك جوزاء حاولت اغطي وجهي لكن سحب الغطوه ومدري شقال وهو مستانس استحيت وطلعت اخته الكبيره وشافته عادي ولا قالت شي راح يبي يتسبح ورحت ابي غرفه الا غرفه لاهلي وغرفه مجلس وغرفه لامها قلت بروح لغرفة جوزاء بطلع عبرتي (كأن العبره سببها ليش اخوهن شافني وعادي عندهن) وشفت بوحده من الغرف فساتين لصديقتي واحد منهن لونه تركواز قلت ياحياتي اكيد شاريته لاني احب هاللون انتــــــــهى

*عذرا على الاطاله 00