بسم الله الرحمن الرحيم
السلام عليكم ورحمة الله وبركاته
امس سافرت اسرع سفره بالعالم > احلف ^^
رحت الصبح للرياض ورجعت بالليل سفره شغل
واول ماطلعت من المطار واركب مع راعي لموزين سعودي وانواع التوهق طلع جنوبي وبس يسأل من وين انت قلت من حايل قال حايل يابعد حيي قلت الله الله عاد انا ما حب اسولف الصبح! قال جاكم مطر قلت ايه قال كم مره ؟!!
وشو كم مره ابي اقعد اعدد لك كم مره جانا مطر خير وش تحس فيه طبعا انا اقول بيني وبين نفسي
قلت مدري والله كم مره بس المهم ان جانا مطر
قال المويه من وين تجيبونها انتم ؟؟!!
قلت من البزبوز قال وايش تقول > خخخ جنوبي مافهم وشو البزبوز قلت يعني من الصنبور > الله ع اللغه صنبور مايمديكم ^^
المهم سكت واشوا قلت عرف اني ماحب الاسئله اللي مال امها داعي وبعد شوي سألني قال عندكم برد؟؟!
وانا اقول اشوا خلصت اسألته
قلت ايه بالليل بس قال ماشوفك مشتي > ياليل ابو تريك مدري ابو لمبه قلت انا ماشتيت بحايل عشان اشتي بالرياض مو برد مره
قال انا من الجنوب واناظر فيه وقسمات بغيت اقول من سألك قلت ونعم والله قال عندنا برد مره قلت ادري !!ويناظر فيني انا بغيت انزل من السياره من نظراته قال انت ويش دراك قلت ادري قال ايه ويش دراك قلت شفته بالاخبار خخخ انواع التصريف وقام يتكلم عندنا عندنا ونص كلامه والله ماعرفته بس اقول ايه بس تمشيه لكلامه اخر شيء اثاريه يسألني !!! خخخخخخخ
والله اخر شي عصب علي انا قاعد اهرج كوذيه =يعني كذا
والله مافرحت الا لين نزلني قلت توبه اركب مع لموزين سعودي بس يقعد يسأل عن اشياء ماتعنيه والله كل شوي بقوله ترى الرسول اللهم صلى وسلم عليه يقول ( من حسن اسلام المرء ترك مالايعنيه ) بس قلت الحين يزعل ويحمل فخاطره شيء علي وانا يأنبني ضميري والله تحملته ع اخر حد
المهم مالكم بالطويله خلصت شغلي ومريت اقاربي ويوم جاء وقت رحله العوده واروح للمطار واصعد فوق واشوف شيء غريب مدري وش اللي جابه بالمطااار مكانه غلط والله واقوم اصوره لكم > يقلد نعيم
وش تتوقعون انتم ؟؟؟!
صحن !!!!
وش جايبه هنا ؟!!
والله استغربت طيب قلت يمكن واحد مسوي كريم ويعشي اخوياه طيب ليش مايعزمهم ببيته ؟! ليش يجب الصحن بالمطار خخخخخ والله ضحكت يوم شفته اكيد له سالفه هالصحن !!
وانا قاعد اصور الا ينادون ارجو الانتباه النداء الاخير لرحله حائل على بوابه السفر 32 واجيكم ركض وياله الحق عليها وانا قاعد اصور ومتفرغ والطياره بغت تروح علي ياحليلي والله منسم > لا ياشيخ ^^
المهم ويوم جيت بركب الطياره الا فيه فريق ياباني يبون حايل انا استغربت قلت اكيد مضيعين ويقعد يسألني يقول هايل قلت يس هايل ويمشون وراي ياليل وادخل بين الناس اللي بالممر ووالتفت الا واحد منهم يدخل راسه بين الزحمه يدورني واركب بالطياره واجلس لا والصدفه طلعت كراسيهم وراي ! يا الحظ الاقشر ويسألني وماعرف كلامه انا مافهمت كلام الجنوبي عاد هذا!! ويسألني بالانجليزي اللي اعرفه اجاوبه وبعض كلامه مدري وش قال اصرف كني ماسمعته والله يقعدون يبربرون وراي وماخلوني انام والله اغفى واصحى ع صوتهم بس الغريبه مامعهم مترجم او ع الاقل دليل الا اذا احد يستقبلهم بالمطار يمكن
وهذي سفرتي واتمنى انكم تتقبلونها بكل صدر رحب ومحد يقول
وبس ^^
سفرتي للرياض ^^
قلت ونعم والله قال عندنا برد مره قلت ادري !!ويناظر فيني 
انا بغيت انزل من السياره من نظراته قال انت ويش دراك قلت ادري قال ايه ويش دراك قلت شفته بالاخبار 
والله يقعدون يبربرون وراي وماخلوني انام والله اغفى واصحى ع صوتهم بس الغريبه مامعهم مترجم او ع الاقل دليل الا اذا احد يستقبلهم بالمطار يمكن
العرض الشجري
