[read]
الجد وايل والفخر عزوتي عنوز
اكبرشرف اني من اولاد عناز
لي بيرقاً في عالي المجد مركوز
مــاريته بـاالعــز نــاراً عـلى قاز
القاف قافي والمعاني له اتنوز
لامن نهزت القاف يطرب وينتاز
ما يشتكي حرفي ابد عجز اوعوز
اعطيه في راس اصبعي امرويعاز
ادش غبات البحر واغرف اكنوز
ولا انت يابن الاش للمال كناز
هذاك طاغي الشوق بلغ ابو روز
لي في شموخ المجد رايه ومركاز
عن الهوى والحب لايمكن اجوز
قلبي غدابه ياعرب ظبي الاهواز
العنق عنق الريم والصدر مبروز
والطول كنه غصن موزاُ اليا ناز
مايطرب اسماعي سوى صوت فيروز
ومايسرق احساسي سوى جو شيراز
ماقــولــها طــاغي ولاني بملزوز
للحر هـده غـير عن هـدة الباز
ماكل من رام المراجل بها ايحوز
ولاكل من ورد يبي الطيب به حاز
يازينها عقب التعب نشوة الفوز
وياكبرها لا قالو الناس لك فاز
مثلك يابن كسار يستاهل ايفوز
حتى لوان الحظ عاكس ومافاز
عسى اليالي ماتحدك على العوز
وعساك ماتشكي من الوقت معتاز
طاغي الشوق
[/read]
العرض الشجري
