[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
في العين لك صورة وفـ البال تذكار=طال الزمن ولاقصر هو زمانك
لا يا بعد من هوعلى الارض قد سار=شف لا وصلت القلب هذا مكانك
وسط الحنايا لك معزه ومقدار=ياللي ضميتك حب ما اروى حنانك
طب وتخّير وين ماودك اختار=من وين ماتختار بقول عانك
ظلع الغلا راهي وتسقيه الامطار=سيله يسيل وماحصل يوم خانك
والدله اللي فوحت صمت واسرار=بصبها لك روح صامت عشانك
احرقتها بـ البعد ما احرقتها نار=ما ادركتها بـ الوصل يوم الله عانك
لكن احبك وادور لك اعذار=ماني بدينك فعل شعري وادانك
انا حلفت وقلت يلحقني العار=ان كان قلبي ماوفى لك وصانك
ان احرقه وانفيه لو صار ماصار=واقطّع عروقه وتبشر بـ امانك
يا كيف اقلط راعي الدار فالدار.؟؟=الا ترّبع قهوني من لياآنك
[/poem]