صبرك على زلات الاصحاب يرفعك

01-19-2020, 08:20 AM

‏صبرك على زلات الاصحاب يرفعك
والصبر هوساس الفخر والرجوله

لوكان شيطانك على الغيض يدفعك
الجم لسان ابليس واهزم خيوله

بالصبر تدرك ماتبي من منافعك
وبالصبر تدرك عنفوان البطوله

على القرابه لاتوجّه مدافعك
احلم على جهالهم والكهوله

تر الرفاقه حقهم من شرايعك
في نص كتب الله وسنة رسوله

وسكر عن اصحاب النمايم مسامعك
اللي على الاجواد يشعب ذلوله

ابعد بذور الحنضله عن مزارعك
لاتتركه يخرب عليك امحصوله

ياجاك دلاّ بالسوالف يلمعك
وان غبت غير هرجه اللي يقوله

يبدي لك الحسنا وياغبت يلقعك
يكتب ويمسح ماكتب في سهوله

يدخلك في وهم المدايح ويطلعك
ومن الحسد والحقد يملا حثوله

عقرب ثرى يستغفلك ثم يلسعك
تحمل سموم التفرقه في ذيوله

جنّب طريقه واهجره لايجي معك
تنهج مناهيجه وتفعل فعوله

عليك باللي مع رفاقتك يجمعك
اللي على الجمعا تدرهم ذلوله

قرمن وجوده طمعتن من مطامعك
ساس الوفا من يوم سن الطفوله

مشعل عسام التريباني الشمري في 21/5/1441هجري

01-19-2020, 09:26 AM

عقرب ثرى يستغفلك ثم يلسعك
تحمل سموم التفرقه في ذيوله

جنّب طريقه واهجره لايجي معك
تنهج مناهيجه وتفعل فعوله

ياكثرهم يكفينا شرورهم

صح فكرك وبوحك مشعل التريباني

01-19-2020, 10:42 AM

صح بدنك اخوي لاهنت يبعدي

01-20-2020, 10:08 AM

عفيه عليك الشاعر مشعل التريباني
ياعساك للقوة

اختك بنت القصيد

01-20-2020, 03:02 PM

الاخوان الكرام
الاخوات الكريمات
صحت ابدانكم جميعا لاهنتو

01-20-2020, 03:21 PM

ابعد بذور الحنضله عن مزارعك
لاتتركه يخرب عليك امحصوله
صح لسانك مشعل
هنيئآ لمن تحلى بالصبر واحتسب الاجر
جزاك الله خير

01-20-2020, 09:56 PM

صح لسانك ابيات راائعه شكرا

01-20-2020, 10:06 PM

شاعرنااا القدير ... مشعل التريباني تسلم

وصح الله لسانك ولاهنت

شكرا لك ..

01-20-2020, 10:36 PM

صحت ابدانكم حميعا
شكرالكم على المتابعه
والاطرى الله لايهينكم جميعا

01-24-2020, 03:53 PM

اقتباس

المشاركة الأصلية كتبت بواسطة مشعل التريباني


	‏ صبرك على زلات الاصحاب يرفعك والصبر هوساس الفخر والرجوله لوكان شيطانك على الغيض يدفعك الجم لسان ابليس واهزم خيوله بالصبر تدرك ماتبي من منافعك وبالصبر تدرك عنفوان البطوله على القرابه لاتوجّه مدافعك احلم على جهالهم والكهوله تر الرفاقه حقهم من شرايعك في نص كتب الله وسنة رسوله وسكر عن اصحاب النمايم مسامعك اللي على الاجواد يشعب ذلوله ابعد بذور الحنضله عن مزارعك لاتتركه يخرب عليك امحصوله ياجاك دلاّ بالسوالف يلمعك وان غبت غير هرجه اللي يقوله يبدي لك الحسنا وياغبت يلقعك يكتب ويمسح ماكتب في سهوله يدخلك في وهم المدايح ويطلعك ومن الحسد والحقد يملا حثوله عقرب ثرى يستغفلك ثم يلسعك تحمل سموم التفرقه في ذيوله جنّب طريقه واهجره لايجي معك تنهج مناهيجه وتفعل فعوله عليك باللي مع رفاقتك يجمعك اللي على الجمعا تدرهم ذلوله قرمن وجوده طمعتن من مطامعك ساس الوفا من يوم سن الطفوله مشعل عسام التريباني الشمري في 21/5/1441هجري

لله درك شاعرنا الكبير

من اروع ماقرأت

صح لسانك

01-25-2020, 09:59 PM

صح بدنك اخوي عواد الله لايهينك يابعدي