مصورين في نكبة

السلام عليكم ورحمة الله وبركاته
اسعد الله اوقاتكم بكل خير الجميع
تغطيه لرحله خفافيه جميله
دار فيها الكثير من المواقف المسليه والمضحكه والمحزنه
اعضاء الرحله
بركة الطوياوي >> وجه النكبه
غازي السيف
عبدالرحمن الفايز
اجتمعنا في يوم الاثنين العصر الساعه تقريبا 4 في سوبرماركت العجلان على طريق المدينه
وانطلقنا للمكان .. المكان شمال غرب هجرة جو 30 كيلو
لحظة وصولنا ":

وجه النكبه يشب النار خخخخخخخخخخخخخ

غازي وسالفه قوية جداا المشكله اني نسيته

ههههههههههااي هنا الشرارة للاحداث المؤسفة التي حصلت ابو هالعلابي ياوجه النكبه خخخخخخ

كش وجه هههههههههه والله اني حاقد عليك ياحبي لك خخخخخخ

غازي وانواع الهندسه

المهندس غازي وبعض ناس يحوسون بالبطاريه ومحاولة تشغيل اللمبه

بسمناه يوم جيت انا وهي تشتغل خخخخخخخخخخ

خخخخخخخخ اصابة الطوياوي بالزكام ضريبة لنسيانه الحطب والخبز لعنبو حيه نكبنا متنا برد الحطب قضى وقال ايش قال نسيت اجيب الباقي خخخخخخخ لاوالزين مسوي لي فيها فطورات وناسي الخبز

ياااااي غازي شكلك هنا كيوت مره ههههههههههه

يالربع انا وش اسوي بوه هههههههههههههههه

غازي والذهاب لتصوير الغروب

توادعنا انا وياه ولكن ماتوادعنا رفض قلبي ورفض قلبه خخخخخخخخخخخخخخخخخخ
والطوياي قرر اللحاق بغازي

العوده للعزبة ولحظة خروج المارد من المطباخه خخخخخخخخخخخخخخخخخخخ
نفض لكم الطوياوي نفضه الله اعلم به خخخخخخخخخخ

الحسنه الوحيده اللي سواها ابوحمد بهالطلعه حليب يحبه قلبكم

محدثكم والتجهيز لطبخ العشاء

العيال قرورا الذهاب لتصوير النجوم وركزنا العشاء وكلن راح يجهز العده

ابو حمد وتجهيز العده

عدنا للعزبه وكلن طالع بنتيجة مرضيه الحمدلله
…
العشاء تسلم ايدياتي

خلصنا عشاء واشتغلو الشباب استهبال >> ايه شبعوا وفسقوا خخخخخخخخ
واحلى صبايا فديت هالسيقان خخخخخخخخخخ >> ياويلي رجلي شهباء من البرد ههههههه

بعدها كلن انسدح بالفراش ومسك له خط
عدنا
[B]دق المنبه بجوالي الساعه 5.30 الفجر واللي صحى عليه بركة خخخخخخخخ
قمنا وصلينا وعينا من الله خير
وجه النكبه يصلح الشاهي والقهوه ماكان فيه الا خشبتين مغبينهن للصبح خخخخخخخ

غازي تقول وجه مطلقه خخخخخخخخخخخخ يالبى غازي مانام طول الليل سهران ماغير يدزلب الايفون

غازي وكلمة لاياشيخ نسيت هاه خخخخخخ يقصد الخبز نبي نفطر ومافي خبز ناسيه وجه النكبه
لكن وجه النكبه جاب حل تقريبا اللي هو رز وتونه خخخخخخخخخخخ

..
هنا تبدا الاحداث المأساويه قام وجه النكبه يشغل الموتر وهو يعيي يشتغل ههههههههههه
فضت البطاريه لانو شبك اللمبه وابطى ماشغل الموتر
بعدها حاولنا ندف الموتر وننتعه ولكن المحاولة فشلت خخخخخخخخ مافينا حيل ندف
اقترحت على الشباب اننا نروح لبدو كانو قريبين منا مسافة 5 كيلو تقريبا
وافقو الشباب ودخلنا العده بالسيارة وقفلنا عليها وباقي الاغراض تركناها في محلها واستودعناها الله
مشينا خخخخخخخخخخ وكانت الساعه 7.30 وصلنا لهم بعد نص ساعه وماحصلنا الا رعاة سودانيه
سألناهم اذا فيه سيارة قريبه والا احد منا والا منا ولكن افادونا ان كفيلهم مايجي الا العصر >> من يبي يتحرى للعصر
اشارو علينا اننا نكمل طريقنا ونتجه الى ديرة قريبه يذكرون فيها سيارات توكلنا على الله ومشينا
وحنا نمشي خخخخخخخخخخخ وكلن ساكت الاخلاق مزفته
غازي : ليتنا جايبين الكام ونصور ماساتنا
بركه : لا يرجال تبي يتشمتون بنا
عبدالرحمن: خذ جوالي وصور فيديو خخخخخخخخخخخخ اطلدز حل
حملوا المقطع وتابعوا الفضايح ههههههههههههههههههههه

http://www.youtube.com/watch?v=xZxsasNhSA0

الله يقطع بليسه من شايب سحب علينا ولا وقف خخخخخخخخخخخخ شكله يوم يمر خايف
وبعذروه والله اشكالنا تجيب الهم والغم ههههههههه واحد متلطم وواحد حاط الثوب بالسروال وواحد الله اعلم بحالته
الحمدلله على كل حال واصلنا المسير وغازي كانت رجله تعوره ويمشي حافي
وبعد 20 كيلو من المشي وصلنا للخط >> الاسفلت
وكل من مر عندنا يطالع ويمشي ويسحب علينا اشار بركه اننا ناشر لاحدهم
رفضت انا تبي نقعد نتشحدهم هالمروحين تبي يسوون بنا مثل الشايب
بركه شكله اقتنع وكمل المسير خخخخخخخخخخخخ
بعدها مرت ددسن وكانت بتجاه ممشانا بركه زت الشماغ وقعد يشر هههههههههههههههههههههه
وقف الله يجزاه خير وطلع ولد صغير ..
سلام عليكم وش عندكم .. ويعطيه بركه السالفه حنا متعطلين ومادري ايش ومن اليوم نمشي
الكلام هذا كان الساعه 12 الظهر
ركبنا معه ماقصر وصلنا لسوبر ماركت العجلان اللي فيها تجمعنا وتركو الشباب سياراتهم .
والشباب ركض للبقاله خخخخخخخخخخخخخخخخ اللي يشرب ماء واللي يدرع بالسفن دايز خخخخخخخخ
بعدها قررنا التوجه لاسترحة بركه غازي كان سهران ورجله تعوره فاشرنا عليه انه يروح البيت
وانا وبركة نتولى كل شي رفض وبعد اصرار منا اقتنع وراح الله يستر عليه
توجهنا انا وبركة للاستراحه وزهمنا على احمد العسكري تخبرون معه اف جي وما من الا هو خخخخخخ
رد ابو حميد وقال عندي معاملة بخلصها نص ساعه وجاي
تقابلت انا ووجه النكبه خخخخخخخخخخخخخ وكلن بزاويه ماغير يون خخخخخخخخخخخخ
من الموت 22 كيلو مشي ههههههههههههههههههه
قسم وانا منسدح احس اني نفساء وطالعه من الاربعين خخخخخخخخخخخخخخخخ
كل شي في جسمي يعورني
وصل ابو حميد ومعه غداء الله يعافيه ماقصر تغدينا ومشينا
ووصلنا للمكان واشركنا الموتر واشتغل

حوستنا والحمدلله على ماهي

لقطنا الحوسه ومشينا

الى هنا تنتهي رحلتنا الماساويه والجميله ايضا
حقيقتا انا اعتبرها من اقوى وافضل واروووع الرحلات التي مرت علي بحياتي >> مادري عن البقيه
.. ابو حمد على انك الموهق الرسمي للرحلة الا انك كنت نعم القائد في مسيرتنا الماساويه شكرا صقيقي >> وده يبتسي خخخخخخخ
.. غازي على اني كنت متوقع اني ماهضمك في البدايه هههههههههههههههههه الا انك طلعت عسل ياعسل وتوقعاتي لم تكن في محلها طلعت ذرب وشوشلي وتنحط على الجرح يبرى والله
.. احمد العسكري كلمات الشكر لن تكفي ولكن نردها لك بالافراح انشالله
الله يسعدكم ثلاثتكم ويونسكم بالعافيه
..

شكرا لكل من مر هنا

تحيه عطرة