الصورة اللي معك بالعرض بكتني

صورة المرحوم حاطها ولده بالعرض ويوم شفتها كتبت هذه الابيات

[poem=font="simplified arabic,7,black,bold,normal" bkcolor="transparent" bkimage="backgrounds/1.gif" border="double,9,black" type=2 line=0 align=center use=ex num="0,black""] الصورة اللي معك بالعرض بكتني=ياشفتها سبّلت عيني عبايرها

ياشفتها عبرتي بالصدر تكتني=اصارع الدمع والعبرات اقهقرها

انا عيوني عقب فقده تبلوتني=الدمع في موقها حرّق محاجرها

مرحوم ياللي عليه العين قزّتني=تنثر دموعه عسا ربي يصبرها

اخوي درعن ظفا ستره على متني=نفسي عقب فرجته ضاقت معابرها

العين عقبه من العبرات وازتني=تهل دمعن تضايق وسط ناضرها

سود الليالي على الاحزان ساقتني=وموارد النفس مر الوقت كدرها

حمولة الوقت جارت واكهلة متني=واركت على مهجتي حامي مخاطرها

عيني قزت واسبلت دمعه وضامتني=وعجزت ارده عن الدمعات واقهرها

غصبن عليّه دموع العين زارتني=يامكبر الفقد والعبرات مقشرها[/poem]

مشعل عسام التريباني الشمري في 26/10/1441هجري