آســــفــــــل..؟؟

من ذكائي كل كايد أرسم لعاليه قمه

وأصور القمه سراب وتبتدي رحلة ذكائي

أتضيماء وكل ماشفت السراب أروح يمه

حجتي ذاك السراب وحاجتي سر أنتمائي

أتمايل مع هدوءٍ من خلًق من ثلج دمه

وأستهيج بعاصفة شعرٍ على عزف نائي

أتشيطن من دهائي وكل طاروق أخمه

مرةٍ خمي ثناء ومرةٍ خمي هجائي

ماسترت الطيب لو جاني يبي ستر همه

ولا ألتفت لطعون حاسد دام طعناته ورائي

ما أطيقك ياجحودٍ قد كسرت الفين ضمه

ولو عطيت أعطي ولاني بمنتظر جزيا عطائي

الأسامي دوك خذها وأعتبر ماجاك ذمه

سمني ما شئت ولا جعل عمرك ما تشائي

بس لازم تعرف أن لي غايةٍ في رأس قمه

وأن قدرك لو رفعته منزله بأسفل حذائي

شاعرها|عبدالله الهباس