لاتسأليـني وش سبب سـر الاعجاب
يابنــت قلبـي إرجعــيه لمحلـه
عيونــــها تخلـف حكيــمين الالبـاب
رمح ٍ صويب وسيف عاتي تسله
يسعد مسا التفاح والـــوان الاعناب
اللي لخدك لـه طريـــــق ٍ يدلـــه
وإذا همست أركي على عضة الناب
يضيع فكري ماعرف وش حصلـه
قالوا عـذارى قلت ياناس وش جــاب؟
كل العذارى تاخذ بزيــن ظـــلـه
حتى وهي في الجامعه وسط الاسياب
تمشي برقـه ماحــد ٍ تلتـــفت لــه
تصفق بيدها (مـي) وتـــغار الاحـــزاب
شلة نـوال وباقي احــزاب شلـــه
من حسنها تحكي بــها اقـلام وكـتاب
وكل السطور وحشوها ماكفـت له
متسيده قلبي وهي أغلـى الاحبــاب
تامــر علــي واطيــع ماقول للــه
قمة دلـع واسـلوب تحنى لك ارقــاب
واسمـك العنــود وماخذه الزين كله
اعجبتني ...
العرض الشجري
