البارحة شبت بصدري لواهيـب
حتى نضج قلبي وأعزّي لحاله
ورقيت لي مرقاب بين المراقيب
وجريـت صوتي لين ذابت حباله
غنيت طاروقٍ حروفه معاذيــــب
يعذب إحساسي بوقت أبتهــــــاله
يالله يالرحمن ياعالم الغيـــــــب
ياقاسم أرزاق البشــر بالعدالة
يامالك الدنيا بلا ريب "والريب"
مايوجد إلا في صدور الجهـاله
ويامالك"الأخرى" بيوم المحاسيب
ولاينكر حسابك ياكود الحثــــاله
إغفر لعبدٍ غربلتــه العـــذاريـب
ماحدٍ كمـل وأعطاه ربـّي كمـاله
خالد .. السالمي