.
[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لاتغرّك لحاهـم .. كلهـم يكذبـون=ومثل ماتطلب الجنّـة جهنـم تبـي
مقصرين الثياب .. ومسبلين الذقون=من تشوفه تقول "استغفر الله" نبـي
لأجل رغباتهـم بالديـن يتستـرون=سالكين دروب الدساسـة والحبـي
زمرة عن دروب المراجل يقصـرون=وكل وجه مثل ذيك الوجيـه يهبـي
شوهوا سمعتي بين البشر وظلمون=أتعبوني وشلـت أتعابهـم وتعبـي
والله إن القضية فـوق ماتفهمـون=وفوق جلمود حزم من رقـاه غبـي
يافهد ليتهم باللي جـرى واجهـون=كان عزّوا علي مثلك وهان طلبـي
لو يقولون طالوا قلت : ما يقدرون=ولو رقوا سلّمي ماياصلون عنبـي
وكان ينوون ذلّي قلهم يقول تخسون=وعن دنس مثلهم يكرم سواد شنبي
وأنّي أكبر وهم ياعزوتي يصغـرون=دام الأيام تكشف كل ماهـو خبـي
والله إنّي برئ من كـل مايفعلـون=ورافع عن دناءتهم عزيـز نسبـي
إيه أنا ذيب وأشباه الحصاني تهون=عزتي والكرامة جوهـري وذهبـي
علمته الفراسة وش معنى الجنـون=وعلمته الليالي وش معنى السبـي
جيتهم عاصفة من بعد فترة سكـون=ومن تجاهل برادي يتقي شر لهبـي [/poem]
.