يغار قلبي والحشا والشرايين

[align=center][table1="width:95%;background-color:black;"][cell="filter:;"][align=center]



روحـي تغـار إذا لمحتـك بعينـي
وإذا سكنتي الروح ما تصبر العيـن



وإن لامست حضرة يدينـك يدينـي
يغار قلبـي والحشـا والشراييـن


من وين ما ناظـرت ألقـاك فينـي
يمين وألا يسـار ويسـار ويميـن


لو بحسب أيامي وأحسّـب سنينـي
في الحب ما يطلع معي غير عامين


العـام الأول والـغـلا مبتليـنـي
والعام الآخر يسكن الجوف روحين


تاريخ حبـي فـي يـدك أرخيّنـي
وأبدي من أول عام خمسة وعشرين


لأني سمعتك يـوم قلتـي ضنينـي
وقبله وأنا ما اعرف دروب المحبين


وناديت بأعلى الصوت بالله خذينـي
وخليني اكتب في عيونـك دواويـن


هالحين والا العـام طيفـك يجينـي
وما زلت أنا أحبك من العام للحيـن


وادري خفوقك يـا حياتـي يبينـي
وادري بعد بأنـك عليّـه تغاريـن


اخذي نفس قبل الحكي واسمعينـي
وحطي كلامي يا الغلا بين قوسيـن


(والله ما غيرك عطيتـه حنينـي
والله ما قد مرّ في القلب ثنتيـن



امشي مع عطر النفس وأدخليني
والله ما اسأل وين يا الغالية وين



أنتي ولا غيرك هنـا صدقينـي
في قلبي اللي ينتعش يوم تلفيـن



والروح لو بتغار من نون عيني
ما ألومها لأني بعد أحسد العيـن)


[/align][/cell][/table1][/align]