حدثت هذة القصة عام 1415 عندما
شاهد الشاعرمرزوق عقيل الشيحي الشمري ذيب في شبك بالموقدة
الي علي طريق الحفير وتذكر الذيب وكيف كان مقدر اول عند
اهل البادية والان في شبك للفرجة مابين قرد وانواع الحيونات
الاخري فهاضت قريحة الشاعر مرزوق بقصيدة وهي
[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياذيب يالي داخل الشبك مسجون = وش قصتك ياذيب وشو خمالك
ياذيب هو جرمك علي شان مديون = والا علي ياذيب عيشة عيالك
والا اهل الاغنام منك يتشكون = اوذيتهم باحلام صورة خيالك
والقرد وعيالة بوجهك يهبون = يكشر بوجهك وتهزاء قبالك
عطني جوابك يبن سرحان وشلون = ياعل مافال الاجاويد فالك
جواب منهو باوسط الشبك مرهون = في حالة والفال ماهو لفالك
قولك سبب سجني علي ظلم وظنون = مانا علي اللي ماتصور ببالك
انا الذي سلمت نفسي وتدرون = يناشدن متي كلينا حلالك
رد الجواب لكان ياذيب مامون = ماتاكل الطليان وانتا لحالك
بالموقدة شفتك تغمض علي غبون = وهاذا دليل انة شهادة كمالك
والسجن ماطبة من الخلق مجنون = السجن طبة من يفعل فعالك
والضيم مابة علي المبتلي هون = كم طيب يشكي بلاة وشكالك
رد الجواب اوصيك للي يمرون = لا يكثرون القول هذا نكالك
انا الذي بلمت مار لاتخفون = ياصاحبي عط الخبر من يسالك
اقفي زماني وانت تاري بالهون = وابن سعيد لو سسالتة حكالك
عن قصة لة القباليل يخبرون = ربط عشاي بسهلتن قال ذالك
واليوم انا بجواركم دوم محزون = من مرني يقول هاذا الجزالك
اشكي لكم يحفاد حاتم وتكفون = ما فيكم الي قال عزي لحالك
ياذيب لاتظهر خفا كل مكنون = حنا علينا مثل ماهو جرالك
ياذيب والله مالنا بقصتك شون = حنا لحال وقصتك قد حالك [/poem]
وصار للقصيدة الشاعر مرزوق صدي وبعد ذلك ارسل قصيدة
الي حفيد معشي الذيب
الشيخ فرحان بن غازي بن شاهر بن مكازي السعيد ( الله يرحمه)
راعي الودي ورئيس مركز الودي وشيخ الدغيرات والقصيدة هي
[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يبو غازي وقتنا مستغشي = انهان راع الطيب واعتز به لاش
والذيب يوم هو ذيب كرم وعشي = واليوم صار الذيب من ظمن الاخشاش
مابين ديك وقرد عندة يكشي = ياشاف وجههة قام يفظي وينحاش
وابو علي وفدلهم مكلهشي = ياشاف وجهه قام يفضي وينحاش
وذيب المغارة للمغارة يدشي = واليوم كنة كلب مربوط ببياش
ناس تحسبة كلب علية تشي = فرجة طريق يدهجة كل طراش
يابن سعيد يوم جدك يعشي = عشاء الاوادم والسباعة بالكباش
واليوم حنا بفضل رب يمشي = جعل لنا حكم بعدلة فراش
حكم يذري عن جليد وطشي = امن وامان بدين الاسلام نعتاش
واترك علوم الي الي بهرجة يطشي = يفرح ببعظ الهرج من كان غشاش
اسلفت بالماضي بهرج يطشي = وصل صداة الي سكن جانب الطاش [/poem]
وبعد ان وصلت القصيدة الي الشيخ فرحان
قام علي الفور وذهب الي صاحب الموقدة وطلب منة اخراج الذيب وقال لة
الذيب يكرم ويضيف فكيف الان يسجن وقال الان الذيب يطلق صراحة
مهما كلف ثمن ذلك وانا سايمة بمالي سوف اشترية واخرجة وادفع
من الفلوس الي تبون بكم تريدون ثمنة وقال صاحب الموقدة
لا انا اطلق صراحة ومابي شي منك
العرض العادي
