يا معمر القذافـي ابشـع صـوره
يا معمر القذافـي ابشـع صـوره
نقلتـهـا للـعـالـم المـتـطـور
دعايمـك ذا اليـوم بـك مكسـوره
حطمتهـا .. يالفـارس المتـهـور
خربتهـا .. بأفكـارك المسعـوره
عودت فـي شعبـك تقـوم تثـور
ظلمك لهم .. قد جاب لك محـذوره
حطك على نـار اللظـى متعـور
راجعت كـل احداثـك المشهـوره
ولا وجدنـا لـك شعـاع يـنـور
ظلام في تلك السنيـن .. وعـوره
كان الستر لك زين .. قبل تصـور
احـداث سـوداء كلهـا منشـوره
يا سعد .. من ذا اليوم قد لـك دور
جرايمـك فـي كـل بيـت ودوره
الفكر سطحـي .. والقلـم بيـزور
درستها في الشرق .. يـا دكتـوره
واسقيت منهـا شعبـك المتضـور
واهديتهـا لأخوانـك المقـهـوره
ثلاث .. باذكرها .. عليـك تكـور
حصلتك .. انك خضت في المعموره
والشعـب منـك دايـم متـجـور
وحصلتك انك كنت تلعـب كـوره
واكثر جماهيـرك عليـك تشـور
هداف فاشل مـا كسبـت الـدوره
عقليتك ضحلـه .. جشـع وتفـور
وحصلت لك كلمة معى خو نـوره
في مجلس القـاده وطحـت معـور
بينك وبينه فـرق فـي المقصـوره
هامه .. وقامه .. والفكـر متنـور
هـذا ملـك يستقبلـه جمـهـوره
وانته على جحـرك تقـوم تـدور
مـا فادتـك بـزة بنـات الثـوره
خلوك أهل لشناب .. يـا متحـور
راحت عليك الصـره المصـروره
حتـى عيالـك مـن وراك تخـور
اليـوم توخـذ منـك الممـهـوره
والصبح خلـف البـاب يالمتسـور
الشاعر
ابونايف
|