مبروك يا جرحٍ

قرأتها مرارت حتى حفظتها
كم هيَ جميلة!
راقت لي وسرقتها لكم من مدونة الشاعر المبدع

نايف سلمى


مــبروك يا جــرحٍ بقــى فــي خافقي مرت سنه
عيــدي تمنــيته يجـــي كفي على كف الحبيب

نفــس المشـــاعر جـسدت كل الفصول المحزنة
لا طــاب جرحي ولا فهم علة أحاسيسي طبيب

هــذا ضــياعي يرتــجي مـن ثوب جرحي بيّنه
وهذا قصـــيدي يبتدي عنوانه يا عـــالم غريب

مبروك يا دمعه صفت مــن ذات عــيني مدمنه
مبــروك يا درب انطوى طالت متاهاته مريب

مــرت يا عمــري كم سنه والروح فيني مؤمنه
انـــه زمـــاني للأمـــل يا لهفـــتي مـا يستجيب

ويـــن الفـؤاد اللي انشرح يحمل عذابي واسكنه
وين الصــديق اللي على تحنانه أحزاني تطيب

حســـره يا لهــفة واقعي نفسي في فرحه ممكنه
نفسي أغاريد الفرح تطربني في الدرب الكئيب

كــل عـام وأحلامي صفت برهان ضيع موطنه
وأحزان لو مالت على ظهر الزمن منها يشيب

تاريـــخ فـــي عمري يمـــر بتراب حزني بدفنه
واطـوي حياتي ما بقى عندي حبيب ولا قريب

مــبروك يا حرف أنكتب صفحة حياتي تحضنه
تــوقيع مـن دمعة فرح ظميانة للصدر الرحيب

لشاعرها....