شمس الفراق

اليكم اخوانى هذه القصيدة التى تم نسجها صباح هذا اليوم الساعه الثامنه صباحا وهى تعبر مابداخلي
ارجو ان تحوز على رضاكم وذائقتكم واعتذر مقدما اذا كان هناك قصور بالمعنى لانها احساس داخلي






قالت احس انك بحسره وضيقه // قلت العفو ياروحى البال ضايق

القلب توقدبه ظروفه حريـــقه // وشلون اطفي ما اشتعل من حرايق

والدمع بعيونى فضحنى بريقه // واشوف انا غيري من الناس رايـق

وين الصديق اللي يساند صديقه// في ضيقته ما يتركه لو دقايــــــــق

لا، تسألينى ليه دمعي اريقـــــه // والدمـــــع للرجــــال ماهو بلايــــق

لا، تسألينى ليه اخفي الحقيقــه // ومبي بعادتـــي اخفي عليك الحقايــق

شمس الفراق اللي تجلـــى شريقه// اعمت عيونــى بالدموع الغرايـــــق

فرقاك هم ما احمله واطيقــــــه // فرقاك جمــر يلتهب بالخفايــــــق

ابي ابتعد ياشــــوق باية طريقه // ويعين قلبي اصبح اليوم عايـــــق


بقلمى ودمى / ابوحاتم الشمري / الرياض الساعه 8 صباحا