((يابـــــوي عـــقبك))

عيني جزت ياسعود نوم الـــــــيالي
ماغمضت عــــيني ولا ربــــــع ســــاعه

سهرا ن لين الصبح جالس الحالي
لين الفجر يطلع ويبـــــــدي شـــعـــا عه

بالله عليكم لاتســـــمون حـــالــي
للنصح مـــــاعندي بــــــقلـــبي قــنــاعـه

لابد عـــمري مقتــفيه الــزوالـي
ولابد مـــن ســــا عه يـــطــــوى اشراعه

فظلـــت مجــلاسي بروس العوالي
في راس مشذوب(ن) طويل ارتـــفاعــه

مرتــــاح به لوني وحيد(ن)الحالي
وبعدت عن نذل(ن) خبيثـــــه اطـــباعــه

لو حط فوق النار صفر الدلالـــــي
ينعاف فنجال(ن) تمــــــده اذراعـــــــــه

وخذت بالدنـــيا جنوب وشــمالي
في صحصح(ن)قفر(ن) لقبــي مــتــا عــه

امشي وعز النفس هو راس مالي
نفســــي عزيزه مــــامــــشت بالدناعــه

ويابوي عقبــك قاصراتن حبالي
ولا ينـــــــفع الـــــمقهــور طــــب الآشاعــه

ليتك تجي يابوي وتــشوف حالي
ليتك تجي يـــابوي لو نــــصف ســــا عـــه

من عقــب موتــك طب عقلي هبالي
وكرهت بعدك ســـــجتي للــــــــجمـــا عــــه