ياللي شكيت من الوله جرح ليله
انا احتويت من الوله رزمة اوجاع
غالي وعندي ذكرياتك جميله
محفوظ حبك في خفوقي ولا ضاع
انا صويب الحب وانا قتيله
امسي من اشواقي معذب وملتاع
ياللي شكيت من الوله جرح ليله
ليلة لقانا كانها الف ليله
ماعشت في حبك ولا لحظة وداع
يامصدر الهام خفوقي ودليله
اذوب لا من قلت يامرحب بساع
لو كانت الغايه تبرر وسيله
لا سمو روحي بين شاري وبياع
قد قلت فيك العام مافيك حيله
واليوم اكررها على كل الاسماع
رمشك ذبحني والعيون الكحيله
واسلوبك الراقي وزينك والاطباع
اذوب لا من قلت يامرحب بساع
تدري غرامك وين يجمع حصيله
يا اغلى بشر في قلب وعيون هزاع
ياللي شكيت من الوله جرح ليله
/
جــبار حبــك ولكــنـك علـي غــالي
وقلــبي على حبــك الجــبار وصــيتـه
يـا أول غـلا في خفـوقـي وأخر أمــالي
من قلبــك الحـب والأخــلاص حسيـــتـه
مــرت شهــور فـ غيــابـك وأنت في بــالي
أشتــاق شــوفـك وبعــدك ماتمــنيـتـه
غيبــتك ياروح روحــي عـذبــت حــالــي
عانــيت جـــرح الغــلا والشــوق قــاسيــتـه
ماهمنـي قــول عـذالك وعــذالي
ولا الزمــن لانــوى الفــرقى تحـــديتـه
والعــمر دونـك حبيبــي كيــف يحلالـي
غيــرك من النــاس كــم يــاني وصــديتـه
عــادي تمــوت البشــر بس أنـت تبــقى لـي
يامــن على الــروح قبــل القــلب وليــتـه
غــالي وتبقــى على بعــد المــدى غــالي
مايطــوي الـوقـت صـفــحـة شخــص حبيتــه
،