((ديوان الشاعر| زيدان فلاح الشمري))

شــــمـــــوخ الــــــذات,,


ياشيب عيني من الي شافته عيني
00000....000كيف الرجل دمعته تنزل على خدهـ
سألت ليه البكى يافلان ياشيني
000000000قال الحبيب الذي معلن علي صدهـ
اما انا ياجماعه ما تبكـــيــني
0000000000فرقى حبيبي وانا طالت بي المدهـ
لاني وزنته وانا عارف موازيني
00000..00000اطلق سهام القصايد فيه واهدهـ
وش عاد لو ما اعجب المحبوب تلحيني
00000000والنفس ما تنغصب اليا صار منسدهـ
وانا قصيدي على كيفي يوديني
00000000من ديرة الشرق لين اقصى بحر جدهـ
اعرف هرجي جزل وادري يهقويني
00000000وابيات شعري تجي ما اضيع في عدهـ
ماهمني ياعرب كلمة معاديني
000000والسيل وقت انحدر محدن عرف حدهـ
وانا شهادة رجل واحد تكفيني
000000000اليا صار صافي معي ما يحسبن ندهـ
وشلون ابزعل على فرقى محبيني
000000000اليا صار هم من بغوا روحه بلا ردهـ
الي يقول الليالي ما تنسيني
0000000000اقول غلطان في قوله وانا ضدهـ
لاشك والنفس هي لازم تواسيني
0000000000دون الخلايق تواسي لعنبو جدهـ
عشان فرقى شماتت عاذلن فيني
0000000000ودهـ لي الشين لكن ما حصل ودهـ
الله واكبر ياكيف الناس باليني
0000000000يالله يارب لـد اللي نوى لـدهـ
عني وفرج همومن ساكنه فيني
0000000000مثل الخناجر تجي للصدر وتقدهـ
البنت لافارقت لو انه تجيني
0000000000تبطي تقرب وانا مفارق ولي مدهـ
لاني عشقته زمانن فيه تغليني
0000000000والحين اشوف الصور بالحيل مسودهـ
من فعلها اما انا محشومه ايديني
0000000000يحشم جنابي عن الرجعه بعد صدهـ
في وقت قالت طلبتك لا تخليني
0000000000كنت انشله من غميق البحر واشدهـ
كنت اوصفه دائما ياكامل الزيني
0000000000مكنت داري وش الي كانت تعدهـ
ياهيه بالله قولي ما رحمتيني ؟
0000000000وانا رحمتك بؤقت الضيق والشدهـ
نسيت كل البشر لجلك وتجفيني
0000000000روحي مكانك يجيه اللي يبي يسدهـ