الخميس الأسود 1990/8/2

لعل عين(ن)ماهيب تحبها للرمد
درة شعوب الخليج وقرة أعيانها

هذي كويت الثقافة والرخى والرغد
اللي رمينا عمايمنا على شانها

نهار صدام أخو هدلا بجيشه حشد
في ليلة(ن)خانت الجاره بجيرانها

واستيقظ الشيخ جابر وانتخى واستعد
نخوة بطل هزة العارض وضلعانها

قال الكويت الحبيبة روحت يا فهد
ولا غيرك أحد(ن)يبشرني بعقلانها

قال احتزم بي وأنا والله حزام السعد
لا قلت كلمه تشوف العين برهانها

واخذ الوعد من عصامياً صدوق الوعد
دعوى يراهن عليها يكسب ارهانها

وخطب على شاشة التلفاز يوم الأحد
ووقد على الحرب شعلتها ودخانها

الارض جمر ولهب والجو برق ورعد
وأم المعارك يدك الجيش ميدانها

لا كبرت المشكله والشر قام وقعد
ما تغرق الباخره والفهد ربانها

ما حال دون الأسود إلا عرين الأسد
نهار صومر ومكتومي بفرسانها

وطى جبروت روس(ن) م ايوطيها أحد
ونزع عن روس هيبتها وطغيانها

يصول صولة حصان وهبدته لاهبد
ترج دم القلوب ودم شريانها



الشاعر / سلطان بن وسّام الهاجري